Mu bwongereza abafana ba Arsenal barifuza ko amasezerano mashya ya Visit Rwanda ahagarikwa

Abakunzi ba Arsenal hamwe n’abandi baterankunga barasaba ko ubufatanye bw’iyi kipe n’U Rwanda biciye muri Visit Rwanda bwahagarikwa bishingiye ku bwumvikane bwo kohereza abimukira bose mu Rwanda mu gihe bageze ku butaka bw’Ubwongereza.

Umwaka ushize abimukira n’impunzi barenga 28,000 bose basesekaye ku butaka bw’Ubwongereza,gusa kuva kuri uyu munsi ubwato bugiye kujya burindwa n’abasirikare mu rwego rwo gukumira ubwato bw’abimukira bashobora kuza mu Bwongereza bitunguranye.

Minisitiri w’intebe w’ubwongereza Boris Johnson mu ijambo rye yatangaje ko abo bose bazajya baza ari abimukira bagomba kujya boherezwa mu Rwanda nk’uko amasezerano mashya abiteganya hagati ya Arsenal n’U Rwanda.

Ikipe ya Arsenal yasinyanye bwa mbere amasezerano n’U Rwanda ubu bufatanye bwo kwamamariza U Rwanda ibijyanye n’ubukerarugendo kuva mu mwaka wa 2018 ndetse bitangazwa ko U Rwanda rwashoyemo agera kuri Miliyoni 30 z’amapawundi muri icyo gihe cy’imyaka 3.

Gusa aya masezerano yaje kongerwa nkuko bitangazwa na Football.London aho hasinywe andi masezerano mashya agomba kumara imyaka ine ndetse hakajya hatangwa Miliyoni 10 z’Amapawundi buri mwaka.

Gusa magingo aya abafana bakomeje kutishimira aya masezerano ndetse barasaba ikipe yabo ya Arsenal ko yahagarika aya masezerano mashya ya Visit Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO