Mu gahinda kenshi ikiriyo cya Jay Polly cyasojwe(Amafoto)

Kuri uyu wa gatandatu tariki ya 11 nzeri 2021 nibwo ikiriyo cya Tuyishime Joshua wakunzwe nka jay Polly cyasojwe ku mugaragaro mu gahinda kenshi n’amarira .

Benshi mu bafashe ijambo muri uyu muhango, bagarutse ku mateka ya Jay Polly bamushimira ibikorwa yakoze akiri ku Isi ari nako bamusabira kuruhukira aheza.
Mukuru wa Jay Polly, Uwera Jean Maurice, ubwo yari afashe ijambo yashimiye buri muntu wabatabaye kuko byabafashije guherekeza uyu muraperi mu cyubahiro.

Uwera yahagurukije abana ba nyakwigendera buri wese amuha inyemezabwishyu y’umwaka wose ku ishuri yaturutse mu mafaranga abakunzi ba Jay Polly zakusanyije.

Ati “Umurage waha umwana muri iyi minsi, ni ukumurihira ishuri akiyungura ubumenyi, kimwe mu byo abana nk’aba bakwiye ni ukurindwa icyatuma bicuza impamvu Se adahari, mu gihe yaba yirukanywe kubera amafaranga y’ishuri. Ni yo mpamvu twahisemo gukemura iki kibazo tubishyurira umwaka wose amafaranga y’ishuri.”

Yakomeje avuga ko nubwo bishyuye umwaka wose ariko bifuza ko buri wese yakomeza kuba hafi y’umuryango wa nyakwigendera bityo abana be ntibazigere babura uburezi.
Jay Polly yitabye Imana mu gitondo cyo ku wa 2 Nzeri 2021 afite imyaka 33.

Amafoto :Nsanzabera Jean Paul

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO