Abashinze Webest Model Management kompanyi y’Abanyarwanda ikorana n’ibigo bikomeye nka Gucci n’ibindi batanze ubutumwa bukomeye

Webest Model Management ni inzu imurika, ikanatunganya imideli ku rwego mpuzamahanga yashinzwe n’Abanyarwanda. Iyi kompanyi yatangiye ibikorwa byayo mu mwaka wa 2019 aho bari batumiye abatunganya imideli batandukanye bazwi ino mu Rwanda. Iyi nzu ni zimwe mu zikorana n’ibigo bikomeye ku isi nka Gucci, Dior n’ibindi, Batanze ubutumwa bukomeye ku bifuza kugera ikirenge mu cyabo.

Webest Model Management ni inzu imurika ikanatunganya imideli ku rwego mpuzamahanga, Iyi nzu yatangijwe na Franco Kabano hamwe na Sarah aba bakaba ari Abanyarwanda batangiye intego yabo ari uko abakobwa babo bazamurika imyenda mu nzu zikomeye zizwi kw’isi yose.

Bavuga ko batangiye abantu benshi batabyumva ndetse bamwe bakaba barabasekaga kuko batiyumvishakaga uburyo Abanyarwanda bakorana n’ibigo bikomeye ku isi kugeza ubwo baje gukabya inzozi zabo zikaba impamo.

Abakobwa ba mbere bohereje bagiye kumurika imideli mu Bufaransa nyuma y’igihe gito cyane bashyize inzu yabo ku mugaragaro.

Mu rugendo rwabo batangira ibigendanye no kumurika imideli, bavuga ko bitari byoroshye kuko batangiranye n’ibihe by’icyorezo cya Covid-19.

Kubera icyorezo cya covid-19 cyari cyugarije isi cyane hari ibirori byo kwerekana imideli bizwi nka Fashion Week, Webest Model Management yagombaga kwitabira ntibyakunda kubera ihagarikwa ryibitaramo n’ingendo z’indege.

Ingendo zaje gukomorerwa ari nabwo bitabiraga Paris Fashion Week 2020 aho bamurikiye inzu z’imyenda myinshi zikomeye zizwi ku rwego rwisi nka Maison Margiella, Chloe ,Paco Rabanne, Off-White, Elie Saab, Valentino, Gucci, Dior, Loewe, Rochas, Dsquared2, Paul & Joe, Fendi, Erdem na Palm Angels.

Abakobwa ba Franco na Sarah bakaba bakomeje kumurika imyenda hirya no hino mu bihugu bitandukanye nk’Ubwongereza, Ubutaliyani tutibagiwe n’Ubufansa.

Bamaze kumurikira imideli inzu nyinshi cyane umuntu atabasha kurondora, ndetse iyi nzu ni zimwe mu zimaze kuzamura idarapo ry’U Rwanda mu kumurika imideli.

Webest Model Management ikorana n’abanyamideli bakomeye ku rwego rw’isi nka Gigi Hadid, ibi bikaba bimwe mu biyifasha gukomeza kumenyekana hirya no hino ku isi.

Franco na Sarah batangije Webest Model Management.



Abanyamideli batandukanye ba Webest Model Managemenent mu birori byo kwerekana imideli.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO