Mu gihe twinjira mu minsi mikuru intambara y’u Burusiya na Ukraine irarimbanyije aho bamwe bibwiraga ko izatanga agahenge none hongeye kumvikana ibisasu i Kyiv

Mu gihe isi yose yitegura iminsi mikuru isoza umwaka, u Burusiya na Ukraine byo nta mwanya bifite kuko intambara ibihuza wagirango nibwo igitangira.

Inkuru dukesha BBC ivuga ko muri iki gitondo u Burusiya bwarashe ibisasu 60 bya misile mu murwa mukuru wa Ukraine, Kyiv, Mu majyaruguru, Amajyepfo n’Uburengerazuba bw’iki gihugu.

Kugeza ubu imibare y’abahitanwe n’ibi bitero ni abantu babiri mugihe abandi batanu bakomeretse bikabije nyuma yo kugwirwa n’ibice by’umuturirwa uri i Kryvih Rih.

Iyi nkuru ikomeza ivuga ko amashanyarazi yabuze burundu muri Kharkiv mu majyaruguru n’ibindi bice bitandukanye by’igihugu.

Ibi byose bibaye mugihe benshi batekerezaga ko iminsi mikuru ya noheli n’ubunane yegereje yari gutuma nibura haboneka umutuzo ku mpande zombi dore ko bitari kuba ari ubwa mbere bibaye kuko no mu ntambara ya I y’isi ibihugu byararuhutse kuri noheli humvikana ituze urusaku rw’imbunda rurahosha.

Mu cyumweru gishyira tariki 25 Ukuboza, ingabo z’u Bufaransa, u Budage n’u Bwongereza zose zahuriye ku butaka butagira nyirabwo basangira ku mugoroba ubanziriza noheli, bahana imyambaro n’amafunguro.

u Bburusiya na Ukraine byo intambara iracyakomeje ndetse ntawakwemeza ko impande zombi zizafata akaruhuko k’iminsi mikuru ya noheli nk’uko byagenze hagati ya tariki 24-25 Ukuboza 1914.

Benshi batekerezaga ko amateka yabaye imyaka 108 agiye kongera kwisubiramo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.