Mu ikipe y’igihugu ya Cameroun umutoza Rigobert Song arakomerewe ndetse ashobora no guhindurirwa inshingano

Nyuma yo gutsindirwa mu rugo na Algeria mu mukino karundura ubanza wa kamarampaka mu mukino ubanza wo gushaka itike yo kwerekeza mu gikombe cy’isi cya 2022 kigomba kubera mu gihugu cya Qatar kuri ubu umutoza Rigobert Song ntabwo yorohewe dore ko asabwa gukomeza byanze bikunze bitaba ibyo agahindurirwa imirimo.

Ikipe y’igihugu ya Cameroun ntabwo yahiriwe n’umukino ubanza wo gushaka itike y’igikombe cy’isi dore ko iyi kipe yaje gutsindwa n’ikipe y’igihugu ya Algeria igitego 1-0 ndetse itsindirwa imbere y’abafana bayo.

Ni igitego cyabonetse mu gice cya mbere cy’umukino gitsinzwe na Slimani ku munota wa 40 w’umukino.

Uyu mukino wababaje cyane abanya Cameroun dore ko banyotewe no kongera kubona ikipe yabo mu gikombe cy’isi,ndetse nta kizere bafite cyo gutsindira Algeria i wayo mu rugo.

Ibi byatumye kuva mu gitondo cyo kuri uyu wa gatandatu ibitangazamakuru by’imbere mu gihugu cya Cameroun bitangaza ko mu gihe cyose umutoza Rigobert Song yaramuka asezerewe n’ikipe y’igihugu ya Algeria ngo agomba guhita ahindurirwa imirimo hagashakishwa undi mutoza ugomba gutoza iyi kipe.

Amakuru kandi akomeza avuga ko umuyobozi w’ishyirahamwe ry’umupira w’amaguru mu gihugu cya Cameroun Samuel Eto’o Fils ngo afite ububurakari bukomeye cyane nyuma yo gusuzugurirwa mu rugo bagatsindwa na Algeria.

Kuri ubu nta gihe kinini cyari gishize Rigobert Song ahawe inshingano zo gutoza ikipe y’igihugu dore ko izi nshingano yazihawe nyuma y’igikombe cya Afurika CAN 2021 cyabereye muri iki gihugu cya Cameroun aho ikipe ya Cameroun yabonye umwanya wa 3 bigatuma umutoza mukuru wayitozaga yirukanwa maze ikipe igahabwa Rigobert Song.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO