Mu kiganiro Access 250 umuhanzi Jay-P yanejeje bikomeye abakunzi be

Jay-P ni umwe mu bahanzi bakomatanya impano zitandukanye zirimo kuririmba, kubyina,gucuranga ndetse no gutarama. Mu kiganiro Access 250 gitambuka kuri Genesis TV, uyu muhanzi yasusurukije abakunzi be biratinda biciye mu kubacurangira umuziki w’umwimerere.

Mu kiganiro Access 250 uyu muhanzi yaririmbiye abakunzi be biciye mu kubaririmbira indirimbo zitandukanye haba iz’iwacu mu Rwanda ndetse n’izo mu bihugu duhana imbibi.

Gusa uyu muhanzi azwiho kuba umubyinnyi karahabutaka aho yagiye agaragara mu ndirimbo z’abahanzi bakomeye hano mu Rwanda twavuga nk’aho yabyinnye mu ndirimbo nka My people ya Davis-D, Afro ya Eddy-Kenzo na Mani Martin n’izindi zitandukanye.

Jay-P yagiye atumirwa mu birori byo kubyina bikomeye muri Kampala ndetse ni kenshi yagiye anagaragara mu birori byo kubyina muri Miss Rwanda.

Mu kiganiro na Genesisbizz twamubajije umuntu afatiraho ikitegererezo atubwira ko igihe aricyo kitegererezo cye.

Yagize ati" Njyewe igihe nicyo mfatiraho ikitegererezo kuko iyo urebye nabi kiragusiga rero igihe kugikoresha neza mu gihe uhawe amahirwe yo kwigaragaza biba byiza cyane.

Uyu muhanzi yakomeje atangaza ko imbogamizi ahura nazo ari ukubura uko yerekana impano ze mu buryo bumworoheye kuko ngo usanga uburyo bwo kumenyekanisha impano ye muri rubanda bikirimo imbogamizi bijyanye no kubura abafatanyabikorwa hamwe n’abaterankunga bo kumushyigikira.

Abajijwe ku musanzu ibihangano bye bitanga ku muryango Nyarwanda uyu muhanzi Jay-P yatangaje ko afasha mu kubasakazamo ibyishimo ndetse we abona ibyishimo bihenda kuburyo ariwo musanzu ukomeye agenera abakunzi be.

Umuhanzi Jay-P yasoje atanga ubutumwa bukomeye ku bantu bafite impano zitandukanye aho yabasabye gushyira imbaraga mu byo bakora bakirinda gucika intege ndetse we akomeza yemeza ko gahoro gahoro arirwo rugendo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO