Mu kimwaro gikomeye umutoza wa Manchester United yatangaje ko abakinnyi afite badashoboye

Nyuma yo gutsindwa imvura y’ibitego na Brentford umutoza wa Manchester United Erik Ten Hag yashyize avuga ko abakinnyi ba Manchester United badashoboye.

Ku wa gatandatu, Ikipe ya Manchester United yanyagiwe imvura y’ibitego 4-0 na Brentford ndetse ibi bitego byose byagiyemo mu minota 35 ibanza y’umukino ndetse kugeza ubu iyi kipe irabarizwa ku mwanya wa nyuma aho afite ubusa n’umwenda w’ibitego 5.

Umuholandi Ten Hag, watangiye gutoza iyi kipe mu kwezi kwa gatanu uyu mwaka, yabwiye Sky Sports ko uko ibintu bimeze ari "urugendo rugoye".

Mu magambo ye yagize ati: "Tugomba gutanga urwego rwo hejuru kurusha ibyo twakoze uyu munsi.

"Nk’ikipe, turi mu rugendo rugoye, Uba witeze intangiriro itandukanye, Si yo twari twiteze.

"Dukeneye abakinnyi bashya, Dukeneye abakinnyi beza, Ibyo turimo kubikoraho kandi tuzakora ikintu cyose kugira ngo tubemeze kuza".

Mu bakinnyi umutoza Ten Hag yashakishije cyane harimo umukinnyi wo hagati wa Barcelona, Frenkie de Jong, ariko amakuru avuga ko uyu mukinnyi w’imyaka 25 yavuze ko yahitamo kujya muri Chelsea igihe yaba avuye muri Barcelona.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO