Mu marira menshi Jesse Lingard avuye mu ikipe ya Manchester united yari amazemo imyaka 22

Umukinnyi Jesse Lingard yagaragaje amaerangamutima cyane ubwo yasezeraga mu ikipe ya Manchester United yari amazemo imyaka 22 dore ko bisa nkaho ariyo yakuriyemo.

Nyuma yo gusezera k’umukinnyi Paul Pogba hakurikiyeho ufatwa nk’umwana w’ikipe ariwe Jesse Lingard wakuriye mu ikipe ya Manchester United abenshi bakunda kwita The red Devils.

Ikipe ya Manchester United yahamije ko uyu mukinnyi atandukanye n’iyi kipe ku mugporoba w’ejo kuwa gatatu taliki ya 01 Kamena 2022, ni tangazo ryemezaga ko Jesse Lingard w’imyaka 29 y’amavuko yamaze gutandukana n’iyi kipe nyuma y’imyaka isaga 22 yari amaze muri iyi kipe aho yabaye mu irerero rya Manchester United kuva akiri umwana muto.

Uyu musore yahamije ko we ubwe yavutse mu ibara ry’umutuku ndetse ahamyako afite uturemangingo tw’ikipe ya Manchester United.

Uyu musore yatangaje ko nyuma y’imyaka yari amaze muri iyi kipe isaga 22 yumva hari urwibutso rwinshi afite mu ntekerezo ndetse yatangaje ko ikipe ya Manchester United izahora mu mutima we iteka.

Umukinnyi bakinana muri iyi kipe ya Manchester United yahise yihutira ku mwandikira ubutumwa bugufi aho yagize ati’’ Narakwishimiye mugenzi wanjye,komeza ushyireho imbaraga mu byo ugiyemo, ndetse ukomeze nawe kwishima ubwawe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO