Mu rwego rwo gukomeza kuzirikana ibigwi bya Yvan Buravan hubatswe ikigo YB Foundation cyizibanda ku murage no kurwanya indwara zitwara ubuzima imburagihe

Urupfu rwa Yvan Buravan rwashegeshe benshi mu bakunzi b’imyidagaduro nyuma y’uko yazize uburwayi bwa kanseri, Iyi niyo mpamvu abashinzwe inyungu z’uyu muhanzi bashyizeho ikigo YB Foundation cyizibanda ku gusigasira ibihangano bye no kurwanya indwara zihitana abantu imburagihe.

Ku itariki 17 Kamena 2022 inkuru y’incamugongo yatashye mu rw’imisozi igihumbi ivuga ko Burabyo Yvan wamamaye nka Yvan Buravan aguye mu Buhinde aho yari yaragiye kwivuriza.

Ku myaka 27 gusa, Yvan Buravan yavuye mu mubiri azize kanseri ifata urwagashya nk’uko byemejwe n’abashinzwe inyungu ze.

Mu itangazo rigenewe abanyamakuru rivuga ko kuwa 04 Ukuboza 2022 aribwo hashinzwe ku mugaragaro ikigo YB Foundation cyigamije gukomeza gusigasira ibihangano bye iteka ryose ariko cyikanibanda ku gusigasira umurage ndangamuco no kurinda Abanyarwanda kwibasirwa n’ibibazo by’ubuzima biciye muri uyu muryango.

Mu bindi bikorwa nyamukuru by’iki kigo harimo gukomeza kusa icyivi Yvan Buravan yatangiye harimo nk’imishinga itandukanye nka TWANDE, igamije kurwanya ikwirakwira ry’umubare munini w’abandura kanseri mu Rwanda.

Habarurwa ko abantu miliyoni 10 bapfuye bazize kanseri mu 2020 gusa, ndetse umuntu umwe muri batandatu upfa aba azize kanseri nk’uko tubikesha Imibare y’ishami ry’umuryango w’abibumbye rishinzwe ubuzima ku isi(OMS/WHO).

Imibare yabandura kanseri ikomeza kwiyongera bitewe n’imibereho yahindutse yiganjemo kurya amafunguro yatunganyirijwe mu nganda, ubusinzi bukabije bugaragara mu rubyiruko, kunywa itabi, kurya isukari ku rugero rwo hejuru, umubyibuho ukabije no kudakora imyitozo ngororamubiri.



Yvan Buravan azibukwa iteka ryose binyuze mu muryango YB Foundation

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO