Mugisha witegura gukina shampiyona y’isi yageze mu Butariyani

Umunyarwanda ukina yiruka ku magare uzwi nka Mugisha Samuel yageze mu Butariyani, aho yagiye kwitabira imikino ya shampiyona y’isi izabera muri iki gihugu aho iratangira kuri uyu wa Kane tariki 24 Nzeri 2020.

Uyu musore w’imyaka 22 usanzwe akina mu ikipe ya LMP – La Roche-sur-Yon mu Bufaransa, niwe uzahagararira u Rwanda mu Butariyani muri iri rushanwa riteganyijwe gutangira kuri uyu wa kane.

Mugisha ari mu bakinnyi bane b’abanyafurika bazakina iri rushanwa rizabera mu Butariyani, aho arikumwe n’umunya-Morocco umwe ndetse n’abanya-Afurika y’Epfo babiri nabo bitabiriye iyi shampiyona y’isi.

Ubwo yaganiraga na TimesSports, uyu musore yavuze ko ameze neza ndetse ko yiteguye neza guhagararira u Rwanda muri iri rushanwa, anavuga ko ahanini bizamuha ubumenyi bwinshi yewe ko azahungukira byinshi cyane bitewe nuko ari naryo rushanwa rya mbere yitabiriye rya UCI.

Mugisha Smuel yari kujyana n’abandi bakinnyi batanu bari guhagararira u Rwanda muri aya marushanwa, gusa ntibajyayo bitewe n’icyorezo cya Covid-19.
Mugisha Samuel uzahagararira u Rwanda muri shampiyona y’isi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO