Mukarujanga yabyaranye n’umusore w’umuhanzi Abyaye

Mukarujanga umenyerewe muri Sinema Nyarwanda yibarutse umwana w’umukobwa yabyaranye n’umuhanzi True Boy wamenyekanye mu ndirimbo ‘Ibituzura’ yakoranye na Social Mula.

Mujawamariya Hyacinthe yamenyekanye muri filime ‘Haranira kubaho’ aho yakinaga ari umugore wa Samusure agahora atongana na Kanyombya wari umukozi we wo mu rugo.

Uyu mugore yongeye kwibaruka undi mwana w’umukobwa dore ko aje asanga undi yari yarabyaye mu mwaka wa 2014.

Inkuru yo kubyara kwa Mukarujanga twayibwiwe n’umusore babyaranye witwa True Boy w’umuhanzi.

Avuga ko ajya guhura na Mukarujanga byatangiye ari akazi kabahuje aho yagendaga amufasha mu bikorwa bye by’umuziki guhera muri 2018.

Ati “Byatangiye ari akazi ariko haziramo n’urukundo, ubu twamaze kwibaruka umwana w’umukobwa nabimushimiye cyane kandi turacyanarikumwe ubu icyo namubwira ni uko nkimukunda cyane.”

Aba bombi bibarutse taliki ya 30 Kanama 2021.

Nubwo babyaranye ntabwo babana. Ati “Kubana nawe bizaterwa n’ubushobozi kuko buri wese aracyaba iwabo ariko ni tubona ubufasha twabana ntakibazo.”

Uyu musore usanzwe ari umuhanzi yari amaze igihe atumvikana mu muziki, avuga ko ubu agiye kugaruka kuko ibyari bimuhugije birimo n’amasomo yamaze kubisoza.

Muri 2018 Mukarujanga yigeze gutangaza ko nta gahunda afite yo gushaka umugabo ngo kuko umwana we yumva ko amuhagije.

Yagize ati “Ibintu byose njyewe mba numva ari umuhamagaro, ibyo gushaka umugabo ntabwo ari umuhamagaro wanjye. Ku bwanjye nkunda kwigenga, numva ntashobora kubaho ndi ku itegeko ry’umuntu kandi buryo iyo umugabo mubanye, uca aho ashaka ko uca.”


Mukarujanga na True Boy babyaranye


True Boy avuga ko yatangiye gufana Mukarujanga akiri umwana

Indirimbo ya True Boy arikumwe na Social Mula

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO