Mukobwa dore ibintu simusiga bizakwereka ko umuhungu mukundana aguca inyuma

Waba urimo gutangira urukundo rushya cyangwa se urukundo rwanyu rugeze hagati menya ko bishoboka ko umuhungu mukundana ashobora kuguca inyuma. Iyo rero urimo gucyeka ko aguca inyuma cyangwa ukaba ubona ahindagurika cyane bigatuma ukomeza kubyiyumvamo, dore imiromgo ngenderwaho izagufasha kumenya ko uyu muhungu aguca inyuma.

1. Mwitegereze neza urebe icyo isura ye ihatse

Imigaragarire y’igitsinagabo ishobora kukubwira byinshi dore ko muba musanzwe muziranye, ushobora rero kumenya ko aguca inyuma kuko wenda ushobora gusanga mbere yari umuntu udakunda kwitera imibavu ariko ugasanga asigaye abikunda cyane.

Mbese ugasanga mbere ntiyajyaga yihabika cyane mu myambarire ariko nyuma ugasanga asigaye aribyo ashyira imbere kugirango ahore asa neza.

Dore ibintu uzakunda kumubonaho cyane:
.Asigaye aharaye kujya gucisha inzara mu nzu z’ubwiza.
.Asigaye akunda kwireba mu kirahure cyane areba ko asa neza.
.Asigaye buri cyumweru ahindura inyogosho

Kuri iyi ngingo kandi yo kwiyitaho uzasanga asigaye aterura ibyuma kandi yarahoze akubwira ko atabikunda.

Uzasanga Kandi akenshi na kenshi azajya atifuza ko wamumenyaho izi mpinduka ndetse nubimubaza uzumva akomeje kwinyuraguramo akubwire ibiterekeranye,nyamara nagera mu bandi usange yahimbawe cyane rwose byamunejeje.

2. Sesengura neza imivugire ye bityo ubihuze n’ibimenyetso akora

Ubusanzwe biroroshye kuba waganira n’umuntu mukundana ukamenya neza niba yitaye kubyo umubwira cyangwa atabyitayeho.

Kuri iyi ngingo uzasanga umubwira ibintu runaka wumve agusubirishijemo mbese biba bisa nkaho adahari ahubwo arimo kwitekerereza abandi.

Dore ikizabikubwira:

.Iyo umuvugishije agira isoni kuburyo atagishobora guhuza amaso nawe imbona nkubone.

.Ikindi kintu gikomeye aha nI uko asigaye yifuza kugukoraho ngo agukundwakaze buri gihe iyo muri mu bwihisho nyamara mu mbaga nyamwinshi asigaye akwihunza.

3. Asigaye yarahindutse mu nshingano zo kubaka urugo

Iyi ngingo yo irareba cyane abubatse, Niba mbere yaratahaga afite urukumbuzi rwinshi ndetse mukanoza amabanga y’urugo, gusa kuri ubu iyo aguca inyuma uzabibwirwa n’uko asigaye noneho ataha buri gihe yitwaza ko ananiwe.

4. Mubaze niba aguca inyuma

Imisubirize ye kuri iyi ngingo izahita imwereka ko afite urwikekwe ndetse uzahita ubona agize igihunga gikabije ndetse usange atangiye kugutura uburakari n’umujinya ndetse ahite yivumbura.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO