Murebwayire witabiriye Miss Rwanda azagaragara mu kiganiro ‘Wife Material’ cya Eric Omondi

Umunyarwenya Eric Omondi ukomoka muri Kenya yatangaje ko yifuza abakobwa b’Abanyarwandakazi yazakoresha mu mukino we yise ‘Wife Material.’ Kugeza ubu umaze kwerekanwa ko azajyamo akaba ari Murebwayire Irene wanyuze mu irushanwa rya Miss Rwanda 2019.

Uyu mukobwa winjiye muri Sinema mu mashusho yifashe yoherereza Omondi yabanje nawe kwivuga imyato aho yavuze ko asanzwe ari umunyamideli ahuza no gukina filime dore ko afite iye yatangiye gukina yitwa ‘Kanyana.’

Wife Material ni nk’ikiganiro kigaragaza ubuzima mpamo aho Eric Omondi afata itsinda ry’abakobwa bo mu gihugu runaka bakabana nawe bakarushanwa kugeza hari utsindiye kumubera umugore.

Ntabwo ari umugore nya mugore azasaba agakwa, bakabana ahubwo arashaka abakobwa azakoresha mu mukino we ucishwa kuri interineti yise Wife Material.

Uyu munyarwenya yashyizeho nomero za telefone abifuza kwinjira muri iri rushanwa bakoresha bamuvugisha.

Biteganyijwe ko Wife Material izatangira kwerekanwa tariki 19 Ukwakira 2021 ikazagaragaramo abakobwa bo mu Rwanda. Kenya, Nigeria, Ethiopia, Sudan y’Epfo.
Eric Omondi yatangaje ko yifuza umugore w’Umunyarwandakazi bazabana ubuzima bwabo mu mujyi wa Kigali.


Murebwayire Irene yitabiriye Miss Rwanda ya 2019


Iki kiganiro cya Omondi cyari cyarahagaritswe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO