Muri 2020 ubuzima bwa ‘Bamenya’ bwari hagati y’urupfu n’umupfumu

Benimana Ramadhan uzwi nka Bamenya muri Sinema ni umwe mu barokotse urupfu kuko yarwaye irwara ya Stroke aba Pararize ku ruhande rumwe gusa Imana yaje gukinga akaboko abasha gukira.

Uyu musore aganira na Genesis TV yavuze ku mvune yahuye nazo muri uyu mwaka dore ko washaririye benshi bitewe n’icyorezo cya Covid-19 cyatumye ibikorwa byinshi bihagarikwa.

Kuri we ngo ni umwaka wamubihiye cyane kuko yawutangiranye n’uburwayi bukomeye bwo kuba yararwaye ‘Pararize’ uruhande rumwe rwo ku mutwe.

Ati “Mbere ya Corona narwaye Pararize uruhande rumwe kuko Guma mu rugo ni nkaho ntayo nzi kuko nari mu Bitaro. Icyo gihe abafana bambazaga impamvu ntari gusohora filime ariko batazi ko ndwaye ibyo byatumye umwaka umbihira.

Navuye mu bitaro nkigera hanze shene yanjye ya You tube bahita bayikuraho kuko ndwaye bamwe bashishuraga ibintu byanjye babishyira ahandi bigatuma biteza ibibazo kandi no kuba itarakoraga bahise bayambura bimwe mu byo nari maze kugeraho.”

Bamenya avuga ko nyuma yo kuva mu bitaro yamaze igihe cy’ingana n’amezi abiri bari kumugorora isura (Kine) kugirango yongere amererwe neza ku mutsi wari wahuye n’ikibazo cyo kutayobora amaraso neza.”

N’ubwo yahuye n’ibyo bibazo avuga ko Corona itigeze imukubita cyane bitewe n’uko yari Ambasaderi w’ikigo gikomeye hano mu Rwanda cyamwitagaho bakajya bamuhemba kuko yasinyanye n’abo amasezerano y’umwaka ushobora no kuzongerwa mu minsi iri imbere.
Kuri filime ya ‘Bamenya’ avuga ko igikomeje nta guhagarika.

Ati “Nateguye ko izagira byibuze ibice (episode) 300, icyo gihe nibwo nzamenya niba nkora indi cyangwa nzakomeza gusa hazabaho guhindura ibintu kugirango abo dukorera batazarambirwa .”

Twabibutsa ko iyi ndwara Bamenya yarwaye ari nayo yahitanye Dj Miller wari ukunzwe mu kuvanga umuziki ndetse no mu ndirimbo zitandukanye yajyaga akorana n’abandi bahanzi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO