Musanze FC irimo kwirukana abakinnyi ubutitsa

Magingo aya amakuru aturuka mu buyobozi bw’ikipe ya Musanze FC aravuga ko mu rwego rwo kurushaho kwiyubaka hari abakinnyi bagera kuri 11 batagomba gukomezanya n’iyi kipe dore ko bamwe amasezerano yabo ageze ku musozo.

Mu bakinnyi bivugwa ko bamaze kwerekwa umuryango harimo Samson Irokan Ikeckukwu ukomoka mu gihugu cya Nigeria wasoje amasezerano muri iyi kipe, ariko iyi kipe ntimuhe andi masezerano mashya

Uyu mukinnyi Samson yageze mu ikipe ya Musanze FC mu mwaka wa 2020 avuye iwabo muri Nigeria, akaba yaratsinze ibitego 13 mu mikino 32 yakiniye iyi kipe birimo ibitego 10 muri shampiyona, na 3 mu mu gikombe cy’Amahoro.

Musanze FC yemeje ko yatandukanye na Niyitegeka Idrissa, Tuyisenge Niyonkuru Vivien, Ndagijimana Ewing, Uzayisenga Maurice ‘Jay’,Ayodelle Victor,Hagenimana Jean Baptiste,Murangamirwa Serge,Byiringiro Eric na Niyonsenga Ibrahim ‘Kibonge’

Magingo aya hakomeje kwibazwa ku bakinnyi bashya bagomba kuza bakaziba icyuho cy’aba bakinnyi barekuwe n’iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO