Muyoboke Alex arahakana amakuru avuga ko yasinyishije umuhanzi mushya

Muyoboke Alex usanzwe ufite studio itunganya amajwi n’amashusho by’indirimbo z’abahanzi, filime n’ibindi uyu mugabo yamaze guhakana yivuye inyuma amakuru yasakaye ku munsi w’ejo ko yasinyishije umuhanzikazi mushya witwa Isimbi Dorcas.

Umuhanzikazi Isimbi Dorcas uzwi cyane ku mazina ye y’ubuhanzi yitwa Isimbi Dee ni umwe mubakomeje kuvugwa ko yaba yamaze gusinyishwa na Muyoboke Alex gusa Muyoboke mu magambo ye yatangaje ko ubusanzwe ari umujyanama wa Isimbi Dorcas gusa yahakanye ibivugwa ko yaba yamaze kumusinyisha ahubwo we avuga ko aya makuru yakomeje gutangazwa atari yo nkuko yabyise ’’Fake News’’.

Ku munsi w’ejo ku italiki ya 3 Mata 2022,nibwo bivugwa ko studio yitwa Ishusho Ltd iyoborwa na Muyoboke Alex nibwo iyi studio yakikiriye Isimbi Dee nk’umuhanzikazi mushya mu buryo bwo kumumenyekanishiriza ibihangano no kumufasha gukora ibihangano bishya haba mu buryo bw’amajwi n’amashusho y’indirimbo ze.

Gusa ni amasezeranpo yatangiranye n’ukwezi kwa Mata ndetse ashobora kwongerwa mu gihe yaba arangiye cyangwa bigaterwa n’umusaruro imikoranire yabo yatanga.

Isimbi Dee yatangaje ko amaze igihe akora umuziki nta mujyanama afite ndetse bikaba byaramugoraga cyane nk’umukobwa gukora umuziki nta muntu umufasha mu bikorwa bye bijyanye n’umuziki.

Yagize ati’’ nari maze igihe nkora umuziki mu buryo bugoye ariko ubu bigiye kunyorohera kubera ko nabonye abajyanama , ni ubwa mbere nkoranye n’umuntu dufitanye amasezerano kuko abo twakoranye mu gihe cyashize ni abitwaga Hapa Media ariko nta masezerano twari dufitanye kuko bamfashaga bisanzwe.

Isimbi Dee afite imyaka 23 y’amavuko yatangiye umuziki mu mwaka wa 2013 yavuze ko intego nyamukuru mu muziki ari ugukora akerekana imbaraga z’umukobwa mu ruhando rwa muzika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO