Muyoboke Alex na Allioni bavuga iki ku bivugwa ko batandukanye?

Muyoboke Alex nyuma yo gutandukana na Charly na Nina yasinye amasezerano y’imyaka itatu yo gukorana na Allioni Buzindu. Ubu biravugwa ko nabo baba batakiri gukorana…Muyoboke ati”Ntabwo turashyiraho akadomo.”

Muri Kanama 2018 nibwo Decent Entertainment ya Alex Muyoboke yatangajeko igiye gukorana n’umuhanzikazi Allioni Buzindu basinyana amasezerano y’ imyaka itatu. Kuva icyo gihe bakorana bamaze gusohora indirimbo eshatu “Hahandi, Tuza na Tuku Tuku.”

Basinyana amasezerano Muyoboke yavuze ko akunda umuziki Nyarwanda ‘intego ye ari ukuwuzamura ari nacyo agiye gukorera Allioni’.

Yavuze ko hari urutonde rurerure rw’abahanzi bamusabye kenshi bifuza ko yabafasha mu muziki ariko ntibyakunda aza gutoranya Allioni.

Ati “Nabonye abinsabye kandi mbona yabishobora ndamwemerera.”

Ubu amakuru agera hanze mu bakurikirana cyane imyidagaduro avuga ko baba batagikorana. Abavuga ibyo bagendera ku kuba aba bombi bari gukora biguru ntege.

Kuri Muyoboke Alex we ahakana aya makuru agahamya ko ni bajya gutandukana n’ubundi bizatangazwa nkuko bajya gukorana byavuzwe.

Ati “Ntabwo turashyira akadomo ku masezerano, nkuko tujya gukorana twababwiye n’ubundi ni dutandukana nabwo tuzabigenza uko.”

Avuga ko Decent Entertainment idakora ikintu kimwe gusa ngo impamvu nta gishya baheruka byatewe nibyo yari ahugiyemo mu minsi mikuru harimo n’ibitaramo.

Ati “No mugihe gishize bari batangiye kuvuga ko twatandukanye ariko dusohoye indirimbo ‘Tuku tuku’ mwese ntacyo mwavuze.”

Allioni we ubwo twamuhamagaraga akumva ikibazo tumubajije yahise akupa Telefone atadusubije icyo kibazo na nyuma yaho yanga kwitaba.

Genesisbizz

Related Articles

TANGA IGITEKEREZO