Muyoboke Alexis yagizwe Umuyobozi Mukuru wa Ishusho Ltd

Muyoboke alexis wamenyekanye nk’umwe mu bajyanama b’abahanzi bakomeye hano mu Rwanda yagizwe Umuyobozi Mukuru w’ikigo Ishusho Ltd gifasha bahanzi gutunganya ibikorwa byabo byo mu rwego rwo hejuru.

Kuri uyu wa kane tariki ya 15 Nyakanga 2021 nibwo Muyoboke Alexis yashyize umukono ku masezerano yo kuyobora Ishusho Limited yashinzwe n’umushoramari Karangwa Martin.

Aya masezerano yasinywe ntihatangajwe ngo azamara igihe kingana iki kuko yasinywe nta bandi bantu nk’itangazamakuru bari bahari mu rwego rwo gukomeza kwirinda ubwandi bwa Covid-19.

Muyoboke Alexis yatangarije Genesisbizz ko nyuma yo kugirirwa icyizere na Ishusho Ltd agiye gukoresha ubwo bubasha yahawe akageza imbere uruganda rwa muzika nyarwanda cyane ku rwego mpuzamahanga bamaze imyaka myinshi barwana no kugeraho.

Yakomeje agira ati” Ibyo byose tuzabigeraho nidufatanyiriza hamwe, ikindi ni uko Ishusho ltd ifite ibikoresho bijyanye n’igihe tugezemo haba ibitunganya amajwi ndetse n’amashusho n’amafoto."

Ishusho Ltd igizwe na Studio itunganya umuziki ifite icyumba cyisanzuye cyane ku buryo n’itsinda ry’abantu nka korali bazajya bagikoreramo, Icyumba gitunganyirizwamo amashusho y’abahanzi ndetse n’ikindi gifatirwamo amafoto, n’ikindi gikorerwamo ibikorwa byo kwamamaza, n’ibiri kuba imbona nkubone."

Hari n’ahantu abantu bazajya biyakirira mugihe baje kuhakorera ibyo bikorwa.

Icyicaro gikuru cya Ishusho limited kiri mu murenge wa Muhima, Akarere ka Nyarugenge , Umujyi wa Kigali iruhande rwa Kiliziya yitiriwe Umuryango Mutagatifu (Sainte Famille).

Muyoboke Alexis ashyira umukono ku masezerano yo kuyobora Ishusho Ltd

Muyoboke Alexis ahererekanya amasezerano na Bwana Karangwa Martin .

Bwana Karangwa Martin yeretse Muyoboke ibikoresho byo muri studio

Muyoboke Alexis yeretswe icyumba gitunganyirizwamo amashusho n’amafoto

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO