Mwinuka utoza REG yagizwe umutoza wungirije mu ikipe y’igihugu ya Basketball

Umutoza w’Umunya-Tanzania utoza REG Basketball Club Henry Mwinuka yamaze kugirwa umutoza wungirije mu ikipe y’igihugu y’u Rwanda ya Basketball asimbura Maxime usanzwe amwungiriza muri REG BBC.

Mwinuka ukomoka muri Tanzania yari amaze imyaka igera kuri ine atoza ikipe ya Pastriots Baskeball Club mbere yuko ayivamo akajya mu ikipe ya REG kuri ubu arimo nk’umutoza mukuru, aho yayifashe mu ntangiriro za shampiyona y’umwaka wa 2019/2020.

Mwinuka asimbuye kuri uwo mwanya Mwiseneza Marius Maxime wari usanzwe yingiriza Vladimir Bosnak utoza iyi kipe y’igihugu y’u Rwanda ya Basketball.
Maxime wari umutoza wungirije wa Vladimir Bosnak barikumwe

Henry Mwinuka umutoza mushya wungirije mu ikipe y’igihugu ya Basktball ni muntu ki?

Uyu mutoza yatoje amakipe atandukanye harimo University of Dar es Salaam Basketball Club kuva mu mwaka wa 2003-2006, anatoza Savio Basketball Club hagati ya 2007-2008.

Henry Mwinuka kandi yanungirije umutoza mukuru wa Tanzaniya kuva mu mwaka wa 2009 ndetse na 2010.

Mbere yuko aza muri Patriots yanyuze muri Uganda mu ikipe yitwa Kampala International University kuva mu mwaka wa 2011 kugera 2015, ahita aza muri Patriots yari amazemo imyaka 4.
Ibikombe Henry Mwinuka yatwaye ageze mu Rwanda kuva mu 2015.
2016
Heroes Tournament🥇
Gisembe International🥇
League🏆

2017
Preseason🥇
Playoffs🏆

2018
League🏆
Playoffs🏆

2019
Igikombe cya Playoffs
Uyu mugabo kandi mu gihe gito amaze muri REG yabahesheje igikombe cy’Agaciro mu 2019.
Henry Mwinuka umutoza mushya wungirije mu ikipe y’igihugu y’u Rwanda ya Basketball

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO