Mwiseneza Josiane arifuza ko uwo baturuka hamwe aba Miss Rwanda 2020

Miss Josiane Mwiseneza wambitswe ikamba rya ‘Miss Popularity’ (Nyampinga wakunzwe na benshi) muri Miss Rwanda 2019, ashyigikiye umukobwa witwa Akaliza Hope wahagarariye intara y’Uburengerazuba yanyuzemo yitabira Miss Rwanda 2019.

Benshi mu bakurikiranira hafi iby’iri rushanwa, babona ko izina Mwiseneza Josiane witabiriye Miss Rwanda 2019 rikigaruka no mu marushanwa y’uyu mwaka, aho baba bagereranya abaryitabiriye niba bazaba bahagaze neza nka we.

Ibi twabihera nko kubyavuzwe y’uko Nyampinga uzahiga abanda gukundwa na benshi hari ibihembo byamuteganyirijwe, bamwe bakubita agatima ku kuba Josiane atakiri muri aya marushanwa, ari imbogamizi z’uko ntawagera kubyo yagezeho.

Genesisbizz yaganiriye na Mwiseneza Josiane, maze atangaza umuntu abona wazegukana irushanwa rya Miss Rwanda 2020, cyane ko avuga ko hari abayitabiriye bakunze kumwegera bamugisha inama y’uburyo bayitwaramo.

Mwiseneza yagize ati: “ndashaka ko intara y’Uburengerazuba ihagarariwe na Akaliza Hope igera kure, kuko ariyo nanjye narimpagarariye umwaka ushize muri ayo marushanwa.”

Gusa Mwiseneza avuga ko umukobwa wese wageze muri aya marushanwa aba afite amahirwe ijana ku ijana yo kuryegukana, ariko by’akarusho Akaliza Hope akaba ariwe abona uhiga abanda mu bwiza.
Akaliza Hope ubwo yatorwaga mu majonjora y’uzahagararira intara y’Iburengerazuba yari yahawe nomero 7

Akaliza Hope ni umwe mu bakobwa batandatu bahagarariye intara y’Iburengerazuba, akaba ari n’aho iki gikorwa cy’amajonjora ya Nyampinga uhiga abandi mu Rwanda mu mwaka wa 2020 cyari cyatangiriye tariki 21 Ukuboza 2019.

Ni iyihe nama yo kugenderwaho Mwiseneza agira Akaliza Hope?

Mwiseneza yagiriye inama Akaliza umwe mu bahagarariye intara y’Uburengerazuba nawe yaserukiye umwaka ushize muri aya marushanwa, yo kuba atakwita cyane kubibavugwaho byumwihariko ibica ku mbugankoranyambaga.

Ibi Mwiseneza avuga ko bikunda kubaho iyo aba ba Nyampinga binjiye mu cyiciro cya Boot Camp, aho ibitekerezo by’ibyo bagomba gukora bibageraho ku bwinshi,ibi bikaba biba bishobora no gutuma utitwara neza bitewe no gucanganyikirwa.

Akaliza Hope ushyigikiwe na Mwiseneza Josiane muri aya marushanwa, afite nomero ya 1, dore ko wanamuha amahirwe yo kumutora mu bazajya mu mwiherero (Boot Camp).
Akaliza ushyigikiwe na Mwiseneza mwamutora mwifashishije ubutumwa bugufi

Aba bakobwa bazatangira umwiherero taliki ya 2 Gashyantare 2020, aho bazajya bakora bataha iwabo, n’aho Taliki ya 9 gashyantare 2020 abaribwo bajya kuba hamwe mu mwiherero.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO