Abakizamuka turiyizeye icyo dukeneye cyane n’ingufu z’itangazamakuru - Maitre Dodiane

Umuhanzi Ngarukiyintwari Jean De Dieu uzwi mu muziki nka Maitre Dodiane yasohoye indirimbo nshya yise Ntacyo Mbaye ikangurira abantu kunyurwa ariko bakamenya aho bavuye naho bari kugana.

Uyu musore yakoze izindi ndirimbo nka ’Bya nyabyo’, ’Narabyemeye’, ’Isoni’ n’izindi. Aganira na Genesisbizz yadutangarije impamvu yamuteye gukora iyi ndirimbo nshya yise Ntacyo mbaye.

Avuga ko muri iki gihe ibintu byinshi byasubiye inyuma kubera icyorezo cya Covid-19.

Ati "Naricaye ndeba ibintu biri kuba ku bantu hirya no hino, mbona ko hari ibyo bagakwiye kujya bishimira aho kugira ngo umuntu ajye yicara abone ijuru rigiye kumugwa hejuru mu gihe hari ababura ubuzima bakitaba Imana, abandi bagahura n’ibibazo bikomeye mu gihe abandi bo babayeho mu buzima buryoshye."

Akomeza avuga ko iyo yihereyeho nka mu gitondo abyutse agasanga ari muzima atarwaye n’inshuti ze zimeze neza aba agomba gushima.

Yasoje avuga ko nta kindi yagendeyeho yifuza gukangurira abantu ko igihe cyose bakumva banyuzwe n’uko bari cyangwa ibyo batunze, bakirinda kumva ko igihe ibibazo bije bagomba kubyihanganira kuko byose bikemurwa n’ibisubizo.

Dodiane yashimiye Itangazamakuru ingufu rikoresha mu guteza imbere muzika Nyarwanda arisaba gukomeza guteza imbere abahanzi bakizamuka kuko bari gutanga icyizere cy’ejo heza muri Muzika Nyarwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO