My Soulmate Ep 1:Nisanze mu rukundo rukomeye ubwo umutima wanjye wampatiraga gukunda umukobwa bagenzi be bita umuturage

Mu gutangira kwacu dutangiranye n’abakobwa b’urungano Kandi bamaze iminsi basoje amashuri yisumbuye urabona ko bari batembereye ndetse bose bisize ibirungo bw’ubwiza gusa biragaragara ko bari kumwe na mugenzi wabo umwe utisize ibirungo aho bamubwiraga ko ari umuturage utagendana n’ibigezweho.

Aba bakobwa dutangiranye bari kumwe n’umwana w’umuhungu wiga mu mashuri yisumbuye witwa Patrick bigaragara ko afite amagambo menshi n’ibikabyo kuko agira urwenya cyane, muri make urabona ko uko bicaye yabasekeje cyane nyamara aho bose bari hari umusore urimo kuza aho bari ndetse afite igikapu cyiza atwaramo mudasobwa n’ibikoresho bitandukanye yifashisha mu kazi ke ka buri munsi.

Uyu musore witwa Yvan yarababajije ati:Ese mwandangira muri Gare ko bamwiye ko iri hafi aha? mvuye ku kazi nkerewe ndashaka gutega imodoka, ubwo ba bakobwa bose bisize ibirungo bari barangamiye wa musore bigaragara ko yicisha bugufi, nabo barateruye bati turimo natwe kugana muri Gare ahubwo reka dutambikane tukugezeyo, nonese nawe ugiye gutega imodoka!?Undi ati yego!

Nyuma yo kubona Yvan bakamwishimira, Patrick we ntibongeye kumwikoza ndetse wagirango ntiyari agihari kuko byagaragaraga ko ibiganiro bye batabihaye agaciro.

Icyakora wa mwana w’umukobwa bitaga umuturage ababyeyi be baramuhamagaye kuri Telefone, bamubwira ko akenewe mu rugo igitaraganya,

ubwo yahise abwira bagenzi be ko atashye bahise bamubwira ko ari umuturage kuko ngo ababyeyi be bamujyana aho bashaka, nyamara Yvan kubera ukuntu aba bakobwa bakwenaga uyu mukobwa ngo ni umuturage we yari yatangiye kubimukundira gake gake mu ibanga rikomeye.

Uyu mukobwa bitaga umuturage yitwa Guinette, nyuma yahise asezera bagenzi be ndetse asezeraho na Yvan wari watangiye kumukunda ndetse icyo gihe Yvan yasigaranye na Patrick hamwe n’aba bakobwa b’ibizungerezi.

Ubwo bafashe imodoka yerekeza ahantu runaka maze batangira kugenda baganiriza Yvan gusa we yari yikundiye bikomeye Guinette, basererezaga ko ari umuturage, Gusa Yvan yarateruye arababaza ati: Ese kuki uriya mwana w’umukobwa wagiye mwakunze kumwita umuturage ?

Maze ba bakobwa bati:Reka bro uriya mukobwa wagirango ntabwo azi Vision gusa impamvu nta nubwo yize, ababyeyi be bamukuye mu ishuri ageze mu mwaka wa Kane w’ayisumbuye gusa ni nk’umunyacyaro ngo ntiyagenda adasabye iwabo agahushya ra!?

Aba bakobwa bibwiranye na Yvan maze nawe arabibwira ababwira ko ari umwarimu mu ishuri ryisumbuye nabo bamubwira ko barangije amashuri yisumbuye Kandi bitegura kujya muri Kaminuza,

ubwo bahanye Numero za Telephone Yvan abasezeraho ndetse avuga ko yishimiye kubonana nabo icyakora Yvan mbere yo gutandukana nabo yahamagaye Patrick maze mu ibanga rikomeye cyane aramubwira ati:ese wareka mukanya nkaguhamagara nitumara gutandukana ukaza nkagira ibyo nkubaza undi nawe ati nta kibazo.

Patrick yasanze ba bakobwa ngo batahe maze birangira asanze bavuga ko uwo musore atazabacika kuko ngo afite akazi Kandi akaba ari mwiza cyane, nyamara Yvan muri ako kanya yahise ahamagara Patrick nk’uko bari bamaze kubyumvikana kugirango bahure ngo agire ibyo amubaza, Patrick byarangiye asezeye kuri ba bakobwa ntibabyitaho kuko baganiraga kuri Yvan gusa.

Yvan yasabye Patrick ko bahurira muri Canteen akamugurira amata ndetse niko byagenze maze Yvan atangira kubaza Patrick ati:Harya uri umunyeshuri ? nonese wa mwana witwa Guinette amakuru ye!?ese mwaba mwarize hamwe basi!?kuki se bagenzi be bamwitaga umuturage!?Please mbwira!?

Patrick yasubije Yvan ko Guinette ari umukobwa utameze nk’abandi mubo yabashije kubona ndetse amubwira ko uwo mwana yambuwe uburenganzira bwo kwiga agacikiriza amashuri kandi yari azi ubwenge, Gusa Patrick yakomeje kubwira Yvan ko Guinette atajya yisiga ibirungo by’ubwiza cyangwa ngo akoreshe imbuga nkoranyambaga.

Nyuma yo kubwirwa ibyo byose, Yvan yatangiye kwitsa imitima asaba Patrick ko yamufasha akamuha Numero ya Guinette undi nawe ati nta kibazo ndaza kuyiguha gusa azamerera nabi bro!! Patrick nawe yahaye Yvan numero za Guinette maze undi nawe atangira kwishima bikomeye!?

Ese Yvan yaba ashaka kubwira iki Guinette!?

Nonese ni gute umwarimu nka Yvan wigisha mu mashuri yisumbuye yaba ashishikajwe no kubona numero za Guinette umukobwa w’umuturage?

Ese aho Yvan yaba yarakunze Guinette akimubona?

Ese urumva Yvan ashaka kumubwira iki!?

Ntuzacikwe na My Soulmate Ep 2 kugirango usobanukirwe!

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO