My Soulmate Ep 11:Ubugiraneza bw’inkware bwayigonze ijosi nisanze mu buroko ndetse ndimo gushinjwa ibyaha ntazi ko nzigobotora nyamara mu by’ukuri sinzi ikijya mbere

Nyuma y’uko Yvan yari kumwe n’umukunzi we bamaze kwiyunga Kandi barimo gufata ifunguro rya mu gitondo mu buryo bitunguranye Yvan yatunguwe no kubona iwe huzuye abashinzwe umutekano ndetse ako kanya bahise bamushyira mu mapingu atangarizwa ko atawe muri yombi aho yabwiwe ko arimo gukorwaho iperereza ndetse ni mu gihe Guinette nawe yahise asubizwa iwabo igitaraganya gusa bombi bahise babibonamo akagambane.

Guinette ukomoka mu muryango ukomeye Kandi utunze amafaranga menshi yatangiye gutekereza ko kuba Yvan agiye gufungwa hari ikintu gikomeye cyaba cyibihishe inyuma ndetse Guinette yasabye uburenganzira Gato bwo kuvugana n’umukunzi we bwa nyuma maze Guinette asobanurira Yvan ko byose birimo kuba azi ikijya mbere ndetse amusezeranya kuzamufasha Kuva mu buroko.

Guinette yatangiye gukeka ababyeyi be ko aribo bihishe inyuma y’ifungwa ry’umukunzi we.

Icyatunguye Guinette ni uburyo yagejejwe mu rugo iwabo ntihagire umurakarira cyangwa ngo amubaze aho yaraye n’ibindi bitandukanye ndetse ibi byahise bimwereka ko ababyeyi be bamenye ko yari Kwa Yvan bagahitamo kumugambanira.

Nubwo Guinette yari ababaye yahisemo kwituriza ariko atangira gutekereza neza yitonze yibuka ko yarabutswe Grace Kwa Yvan ariko ntabyiteho akagirango siwe abonye ndetse ibi byahise bimutera gutekereza ko Grace yafatanyije n’ababyeyi be kugambanira Yvan ndetse birumvikana kuko Grace arimo kubabazwa n’uburyo Yvan yamwanze.

Guinette Kandi yakomeje atekereza ko ikintu cyaba kubyihishe inyuma nanone ari uko ababyeyi be badakunda Yvan ndetse kuri bo aramutse afunzwe byaba byoroshye kuko umugambi wo kubatanya waba woroshye.

Guinette yahise kandi atungurwa no kubona Grace aje kumusura ndetse atangira gukeka ko nawe yihishe inyuma y’ifungwa rya Yvan.

Muri ako kanya mu buryo butunguranye Guinette yatunguwe no kubona Grace aje kumusura ndetse yishimye aza amubaza amakuru ye ndetse nay’umukunzi we muri make yari yatangiye kwigira nyoni nyinshi gusa nubwo byari bimeze gutyo ntabwo Guinette yari yishimye na gato nyuma y’ubugambanyi bukomeye.

Guinette yashakishije uburyo aceremba iwabo mu cyayenge maze birangira asanze Yvan kuri gereza ariyoberanya ndetse abwira abacungagereza ko ari uwunganira ufunzwe ariwe Yvan ariko akamwunganira mu mategeko ndetse icyo gihe yahise ahabwa umwanya wo kubonana na Yvan wari ufunzwe by’agateganyo ndetse Guinette yahise ahoberana na Yvan ndetse amubwira ko bimeze neza kandi ko yasobanukiwe ibirimo kujya mbere byose.

Guinette yatangiye kubarira inkuru Yvan amubwira ati Yvan musore nakunze kugeza aka kanya ababyeyi banjye hamwe na Grâce ndacyeka ko aribo bihishe inyuma y’uyu mugambi mubisha kuko Kuva nagera mu rugo nta nubwo bigeze bambaza aho naraye ndetse bisa nk’aho batugambaniye.


Iki gihe grace yari yasuye Yvan aho afungiye maze atangira kumutekerereza abo akeka babyihishe inyuma.

Guinette Kandi yongeye guhamiriza Yvan ko na Grace asa n’ubufitemo uruhare kuko nawe ngo yatangiye guhita aza kumusura iwabo Kandi yisetsa ubusa ndetse akamwishima hejuru amubaza ubusa cyane cyane ngo akamubaza amakuru yabo.

Nyamara nubwo Guinette yabwiraga Yvan ibi byose Yvan we yari yamenye icyaha ashinjwa maze agira ubwoba buhanitse ndetse yahise abwira Guinette ati mugore mwiza ndagukunda cyane ariko ntabwo icyaha ndegwa cyoroshye ndetse natangiye no kwiyakira ko ngiye kwibera hano mu buroko gusa nagambaniwe nicyo navuga ako kanya Yvan yahise aturika asuka amarira abwira Guinette ati:Uziko ndimo gushinjwa icyaha cyo.........

Ese icyaha gikomeye Yvan arimo gushinjwa cyatumye yiheba ndetse akanasuka amarira ni ikihe!?

Ntuzacikwe na My Soulmate Ep 12.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO