My Soulmate Ep 13:Kwiga ntako bisa ubuzima bwanjye burokowe n’umuganga twiganye washatse guhabwa ruswa ngo ngerekweho icyaha akayigarama

Mu nkuru iheruka ntabwo byari byoroshye kuko Yvan yari mu buroko ndetse ababyeyi ba Guinette bari bakomeje kumuhora ko yakunze umukobwa wabo Kandi atariwe bifuza dore ko bari bamufungishije bakamubeshyera kumufata ku ngufu ndetse umugambi wari wacuzwe aho ababyeyi ba Guinette batekerezaga ko bagomba gutanga ruswa maze muganga agasohora raporo igaragaza ko uyu mukobwa yafashwe ku ngufu ubwo yari yacumbikiwe.

Ntabwo byari byoroheye Guinette kubona ababyeyi be bamaramaza bagatanga amafaranga bahinduza ibyangombwa bye ndetse bikagaragara ko afite imyaka 17 y’amavuko ndetse hagakorwa na raporo simusiga yerekana ko yagiye kurara ku mukunzi we Yvan uyu musore akamufata ku ngufu akoresheje amayeri yo kumureshya.

Yvan wari wamaze kugera mu buroko ntabwo yabonaga igisubizo na kimwe gishobora kumurengera ndetse umukunzi we nawe yari yabuze icyo yakora ngo amurokore kuko yabonaga ababyeyi be barimo gukoresha imbaraga z’amafaranga kugirango bamufungishe.


Yvan yahamagawe n’umuganga biganye amubwira uburyo bari bagiye kumuha ruswa ngo agerekweho icyaha binyuze mu gucura ibisubizo byemeza ko Guinette yafashwe ku ngufu.

Nyamara kwiga ntako bisa kuko ubwo Yvan yari mu buroko yatunguwe no kubona ahamagarwa na Telephone igendanwa atazi ndetse atungurwa no kumva umuntu umuhamagaye ari umuganga biganye mu mashuri yisumbuye ndetse amubwira ko ubuzima bwe bwari mu kaga.

Uyu muganga yakomeje abwira Yvan ko atunguwe no kubona hari umubyeyi bigaragara ko atunze amafaranga menshi umusabye ko yamwaka icyo yifuza cyose ariko akabasha gucura impapuro zerekana ko umukobwa we yafashwe ku ngufu ndetse muri ako kanya byari biteganyijwe ko Guinette ahita yihutira kujyanwa kwa Muganga agapimwa uko byagenze.

Uyu muganga yahisemo kuruca ararumira maze asaba umubyeyi wa Guinette gutegereza nawe akabyibazaho gato ndetse yahise ahamagara Yvan amumenyesha ko arimo kugambanirwa ndetse ako kanya ibyo yavuganye n’uyu mubyeyi byose yari yamaze kubifata amajwi maze abyoherereza Yvan yifashishije urubuga rwa WhatsApp dore ko aho Yvan yari afungiye yemererwaga gukoresha Telefone igendanwa.

Nyuma yo kumenya umugambi mubisha Yvan yahise ahamagara umukunzi we amubwira buri kimwe cyose.

Yvan nyuma yo kumva ibimuvugwaho byose n’ubugambanyi arimo gukorerwa yahise ahamagara umukunzi we maze arabimubwira byose ndetse amusaba ko yashaka uburyo avugana n’ababyeyi be bakareka kumugendaho kuko yamaze kubona igihamya cy’uko abeshyerwa ndetse amusaba ko yababwira ko nibabigira urubanza birarangira bafunzwe kubera icyaha cya ruswa.

Guinette yahamagaye ababyeyi be ababwira ko yiteguye kujya kwa muganga gusa abasaba kubanza bakavugana nawe igitaraganya, ako kanya bahise bahatera amatako maze atangira kubabwira ati: Ndashaka kubamenyesha ko muri mu byago kuko umuganga mwashatse guha ruswa ni inshuti y’umukunzi wanjye ndetse biganye mu mashuri yisumbuye rero yabafashe amajwi mushaka kumuha ruswa arangije ayoherereza umukunzi wanjye aho ari mu buroko rero umukunzi wanjye ambwiye ko atifuza kubona mujya muri gereza kubera ikibazo cya ruswa rero yambwiye ngo muhitemo kumufunguza cyangwa nibyanga abatsinde mufungwe.


Guinette yahise yishimira ko ababyeyi be bari bamaze gufatwa ku migambi mibisha yabo.

Ako kanya Yvan yari atsinze igitego cy’umutwe ndetse Guinette yahise nawe yishima kuko ababyeyi be bari bamaze gufatwa kandi nta yandi mahitamo bari bafite ndetse ako kanya bahise bahagarika gahunda zose ndetse batangaza ko biteguye guhagarika urubanza.

Nyamara nubwo byari bigenze gutya Guinette yakomezaga kwibaza niba umukunzi we Yvan arafungurwa maze ababyeyi be ntibakomeze kumugendaho cyangwa ngo bakomeze kubabuza amahoro mu rukundo rwabo.

Ese kuba Yvan agiye gufungurwa urabona bisobanuye ko agiye gukomeza gukundana na Guinette cyangwa ababyeyi barakomeza kuba kidobya?

Urabona urukundo rw’aba bombi se ruzatsinda!?

Ntuzacikwe na My Soulmate Ep 14

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO