My Soulmate Ep 15:Nahawe amafaranga menshi n’uwo duhanganiye umukunzi wanjye kugirango mve ku izima mwibutsa ko adakwiye kurota ku manywa y’ihangu

Duherukana Yvan asohoka mu buroko yemye ndetse yasaga naho atsinze igitego cy’umutwe abashatse ku muheza muri gereza azira ubusa gusa ntabwo byari byoroshye kuko nubwo bwose Guinette amukunda ariko ababyeyi be bakomeje kwinangira umutima.

Ubwo Yvan yageraga mu rugo iwe yakomeje gutekereza byinshi bijyanye n’amaherezo y’urukundo rwe na Guinette dore ko yibazaga uburyo ashobora kuzatwara umukobwa ariko umuryango we utamushyigikiye gusa ubwo yari yaheze mu gihirahiro byarangiye atunguwe no kubona imodoka nziza cyane itwawe n’umusore ubona uri mu kiciro cy’igikwerere maze aparika imodoka hafi yaho aba maze agira ati:Musore Yvan ndifuza ko tuvugana byaba byiza umyumvise neza kandi nawe ni inyungu zawe.


Yvan yarimo kubwirwa uburyo akunda Guinette bigatuma amuhuma amaso.

Mu by’ukuri nakunze Guinette birangira tumuhuriyeho gusa ikosa wakoze wamaze kumuhuma amaso no kumwangiriza ubwonko kuburyo atanyitayeho gusa icyo utazi uri umukene ntabwo udufaranga uhembwa mu bwarimu twagufasha kwegukana umukobwa mwiza witonda nka Guinette none Yvan reka nkusabe ikintu kandi unyumve neza.

Ndifuza kuguha amafaranga yaguhindurira ubuzima ariko ukareka kunyitambika mu rukundo rwanjye na Guinette ndetse byatuma ukunda undi kandi n’ubuzima bwawe bugahinduka kuko ukeneye amafaranga.

Nyamara nubwo uyu musore yakomeje gusuzuguza Yvan amafaranga yitwaje ubutunzi bwe undi yamusobanuriye ko urukundo rutagurwa amafaranga ndetse amwibutsa ko nta na kimwe gishobora kubatanya.

Guinette yahamagawe n’umusore umwihambiraho yitwaje amafaranga birangira byanze kuko yarimo kwihamagarira Yvan.

Muri ako kanya uwo musore w’umukire utaramenyekana izina yagerageje guhamagara numero ya Guinette ariko bikanga birangira ahubwo ako kanya Guinette ahisemo guhamagara Yvan maze undi nawe yahamagara bikanga.

Ubwo Yvan yari ahagaze imbere y’imodoka y’umusore wigize indi ingabo byarangiye ahamagawe na Guinette:Maze Guinette atangira agira ati:Waramutse gute mugabo nkunda reka nizereko ko basi uri amahoro kandi humura nubwo duca mu bikomeye tuzavamo abakomeye!

Aho uri hose nakubwiye ko ukwiye kuzirikana ko ndi uwawe nawe ukaba uwanjye ndetse twebwe ntabwo tukiri mu rubyiruko ahubwo twamaze kubaka urugo mu mitima yacu rero nzahora ndi uwawe iteka.


Yvan yumva nta mukobwa n’umwe ushobora gusimbura Guinette mu buzima bwe.

Yvan ku giti cye nta mukobwa n’umwe yemeza ko ashobora gusimbuza Guinette ndetse mu by’ukuri Yvan nawe yarateruye abwira Guinette ati:Uri umugore w’umutima kandi uri umugisha wanjye ni kenshi narose kuzagira umugore nkawe gusa nubwo bitugoye ariko bizagenda neza humura kandi mukobwa undutira bose.

Nyuma yo kubwirana amagambo meza wa musore w’umukire yose yamuguye mu matwi maze gufuha n’ishyari bimubana byinshi muri we maze atangira gupanga ikintu gikomeye kandi kitari kiza bisa n’aho kuri iyi nshuro Yvan yari yishyize mu bibazo bidasanzwe nyuma yo kwanga amafaranga yahawe ngo areke Guinette.

Irindi kosa rikomeye Yvan yari akoze byari uguteretera Guinette mu maso y’umusore wirwa amwirukaho ariko bikanga ndetse agasuzuguranwa n’ubutunzi bwe ubwo rero Yvan yari kuri telefoni yagiye kumva yumva........ndetse ako kanya abantu benshi bahise bahurura ndetse bavuza n’induru.

Ese bigenze gute kugirango abantu bahurure bavuza induru!??


Ntuzacikwe na My Soulmate Ep 16.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO