My Soulmate Ep 17:Data bukwe twubahane! urukundo rwatumye ntarya indimi imbere y’uwo nita Data bukwe maze umukunzi wanjye ampemba ikintu gikomeye

Duherukana harimo gucurwa umugambi wo gutwara Guinette kure mu Burengerazuba bw’u Rwanda kugirango ashakane n’umuhungu adakunda ku gahato ndetse byarangiye ababyeyi bashatse umukobwa wabo ngo bamucikishe ku mbaraga bamubuze batekereza ko ari kwa Yvan.

Ako kanya mu masaha y’igicamunsi ubwo Guinette yari amaze kwambikwa impeta n’umukunzi we akamusaba ko yamubera umugore Yvan yatunguwe no kumva imodoka ihindira hafi y’iwe maze yihutira guhisha mu nzu Guinette ndetse arakinga kugirango batamutwara.

Ako kanya ababyeyi ba Guinette basanze Yvan hanze amaze kwiyumanganya nyuma y’uko yari amaze gufungirana Guinette mu nzu ye cyane cyane mu cyumba araramo abandi nabo batunguwe no kubona uyu musore atari kumwe n’umukobwa wabo maze Se wa Guinette araterura ati:Niko wa muhungu we ugiye kuzasaza umwana wanjye bimeze bite ko mbizi neza ko uri kumwe n’umukobwa wanjye dore ko wamutwaye roho kandi utagira n’urwara rwo kwishima.


Yvan yari yararambiwe uburyo Guinette bamugendaho yahise atangira kubwiza ukuri uwo yita Sebukwe

Yvan wari waramaze kurambirwa uburyo Guinette ahatirizwamo yahise kuri iyi nshuro yiyemeza kubwiza ukuri uwo yita Sebukwe ati:Umva Data bukwe twubahane ntuze kuntukira iwanjye urabizi ntacyo utakoze ngo unshyire hasi gusa iteka urukundo ruruta byose kuri iyi nshuro winyishyuza umukobwa wawe buri uko niturije muza kumushakira iwanjye rero kuri iyi nshuro ndifuza ituze kandi menya ko ndi umugabo uhamye uzi kurinda ijambo navuze.

Ako kanya Se wa Guinette yahise yikubura arataha ndetse nta nubwo yigeze atekereza ko umukobwa we yaba ari kwa Yvan kuko nta gihamya na kimwe yigeze abona kandi mu by’ukuri ntiyigeze atekereza ko umukobwa we yaba ari munzu.


Guinette yishimiye uburyo Yvab yihagazeho akabwiza ukuri Papa we

Guinette ikiganiro cyose Yvan yagiranye na Se yaracyumvise ndetse yishimira ubutwari bw’uwo akunda ko ageze ku rwego rwo kwihagararaho akereka abamusuzugura ko nta bwoba afite ubwo rero ababyeyi ba Guinette bagendaga aba bombi bahise bumva batuje maze Yvan yinjira mu nzu ye maze yegekaho asaba Guinette kuza akamusanga bakarushaho gucura umugambi wo kwigobotora ababyeyi babarembeje.

Guinette yahise asanga Yvan muri Salon maze kubera ibyishimo amusoma byimbitse ku buryo aba bombi bisanze barimo gusomana ndetse uko ibi byakorwaga buri umwe yumvaga aricyo kintu kiza kiruta ibindi amaze kubona mu buzima bwe.


Guinette yasomanye na Yvan birangira atangiye kwiyumva mu buryo budasanzwe

Guinette wari urangiye kugira ibindi byiyumvo yahise agaruka mu buryo budasanzwe maze abwira umukunzi we Yvan ati: Mukunzi mwiza ntabwo nkifite imbaraga zo guhisha amarangamutima yanjye gusa byose niwowe ubintera ni ukuri sinatinya kukubwira ko nsigaye numva nkwifuza ndetse numva nta wundi muntu n’umwe wemerewe kugukoraho umunsi umwe tuzasangira ibyishimo bidasanzwe.

Reka tubanze turebe ikijya mbere mu buzima bwacu reka dushake uburyo bwazadufasha kuba kure y’abatwanga ni ukuri ndumva igihe kirimo kumpatira kuba umwe nawe maze tugahuza imbaraga kandi byose tukabinyuranamo.

Ubwo Yvan yumvaga amagambo ya Guinette yumvaga abonekerwa kuko Guinette yari amaze kumaramaza asa n’umubwira ko yiteguye kubana nawe gusa urugamba rurakomeye kuko ababyeyi ba Guinette barimo kumushakisha uruhindu ngo ashyingirwe ku gahato.

Ese urabona aba bombi bagiye kubana!?

Utekereza ko ubuzima bwabo buzagenda neza se ko Yvan agiye kureka akazi akajyana n’umukunzi we bakanjya ngo kubana?

Urumva bizagenda gute ubwo ababyeyi ba Guinette bazamubura!?


Ntuzacikwe na My Soulmate Ep 18

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.