My Soulmate Ep 21:Nyuma yo kurongora ibibazo byambanye ingutu Data bukwe yanyirukanishije ku kazi nacungiragaho nyuma yo gutanga Miliyoni 2 Frw kugirango ngere aho umwanzi ashaka

Iminsi yakomeje kwicuma Yvan na Guinette bakomeza kubana bakundanye ndetse abo mu miryango y’aba bombi bakomeje kuba umusaraba dore ko haba ku ruhande rw’umugabo ntabwo bamushyigikiraga ndetse no ku ruhande rw’umugore ntabwo byari byoroshye nyamara nubwo byari bimeze gutya aba bombi bakomeje kuba imfura ari nako bunga ubumwe.

Yvan yakomeje kuba ikibazo gikomeye kuri Sebukwe dore ko uyu mubyeyi icyo yamuhoraga cyaterwaga n’uko yamutwariye umukobwa batanganya ubushobozi mu bijyanye n’imibereho y’imiryango bakomokamo ari nacyo cyakomeje kuba inzitizi hagati y’umukwe na Sebukwe kugeza aho urukundo rw’ukuri rwaganje byose maze bakabana.

Sebukwe wa Yvan amwangira ubukene.

Uyu musaza Se wa Guinette yakomeje kugenda ku mukwe we kugeza abajije amakuru y’ibyo akora amashuri yize n’ibindi bitandukanye ndetse kera kabaye byarangiye asobanukiwe ko Yvan yigisha ku kigo kigenga atari muri Leta maze ahita yiyemeza kumenyana n’umuyobozi w’iki kigo kugirango atange amafaranga maze Yvan abure icyo akora ndetse ibi yumvaga bigomba kumushimisha kugirango umukwe we akene kandi ashwane n’umukobwa we kugeza abatanyije.

Ubwo imigambi yacurwaga yo gukora ibishoboka byose Yvana akabura akazi byarangiye Mama wa guinette abajije Se ati:Ariko se mugabo wanjye reka ubundi nkubaze abana ko bakundana bikomeye bakaba barerekanye imbaraga bafite z’urukundo rwabo ubu koko urumo kubahora iki wabaretse bakibanira mu mahoro nonese koko ubona hari icyo babaye,ko umugabo ari umwarimu akaba yarakunze umukobwa wacu waramwimishije amahirwe yo kwiga undi akamukunda yirengagije ibijyanye n’amashuri ubu koko wabahaye agahenge?


Se wa Guinette yababajwe n’uburyo umukobwa we yashatswe na Yvan.

Uyu musaza yabwirwaga ibi ariko ntiyumve ahubwo agakomeza gutsimbarara avuga ko kuba umukobwa we yarashatswe n’agasore katagira urwara rwo kwishima bitari ikintu gikomeye yifuriza umwana we ndetse akaba yarakomeje kuvuga ko mu buzima nta kintu kibaho kiruta kuba mu buzima bwubakiye ku mafaranga n’ubutunzi,gusa nubwo uyu musaza yavugaga ibi byose yabaga yirengagiza ko ubukire bwe nta nakimwe bumariye abamukomokaho dore ko yari yaragize uruhare rukomeye mu kuba Guinette atararangije amashuri kuko yamwimye amafaranga yo gukomeza kujya ku ishuri.

Muri ako kanya umusaza yahise ahamagarwa kuri telefoni ye igendanwa maze abwira umugore we ati:Ndagi kandi ngiye kubonana n’umuntu w’ingirakamaro ndetse ibyo kariya gahungu kigira byose bigiye kukarangirana kuko akazi ke akari mu marembera.


Se wa Guinette agiye gutanga amafaranga kugirango Yvan yirukanwe.

Mu kanya nk’ako guhumbya Se wa Gunette kuko afite amafaranga menshi yahise ahura n’umuyobozi w’ikigo maze yemera gutanga akayabo ka Miliyoni 2 Frw kugirango asimbuze Yvan undi muntu maze asigare ari umushomeri maz ibibazo bimubane ingutu bitume umukobwa we ananirwa kwihanganira ubukene ubun di asubire kwa Se.

Nyamara nubwo ibi byakorwaga umuyobozi w’ikigo yasobanuriye uyu musaza ko yumva ahemutse kuko Yvan yari umwarimu w’umuhanga utanga ubumenyi bufite ireme ndetse ababnyeshuri bakabona amanota meza kubera we gusa nanone amafaranga ni byose byarangiye Yvan umwanya we uhawe undi muntu nyamara nyiri ubwite we yari mu cyeragati.

Yvan yari kumwe n’umukunzi we bapanga uburyo agiye kwakaq inguzanyo maze umugore agatangira gukora ubucuruzi dore ko ari ikintu yakundaga maze undi nawe agakomeza gukorana akazi umurava bagahuza imbaraga bakagira aho bava n’aho bagera.

Guinette iki gihe yabwiraga umugabo we ko yiyumvamo ikintu kibi kigiye kubabaho.

Ubwo bari bicaye Guinette yabwiye umugabo we ko yumva hari ikintu kibi kigiye kubabaho ndetse bituma atangira kugira ibicuro bikomeye kandi biteye ubwoba maze nk’uko yakabivuze Yvan atungurwa no kumva ahamagawe n’ubuyobozi bw’ikigo amenyeshwa ko atakibarizwa mu bakozi b’ikigo.

Ako kanya aba bombi baguye mu kantu ndetse bari bafite ibibazo bitandukanye kandi bibugarije gusa nanone nagombaga kwihagararaho mu gushakisha igisubizo cy’ibibazo bisanzemo gusa Guinette yahise yibuka amagambo yabwiwe nan Se bahuye aho yagize ati:Umva mukobwa wannjye nkuhaye ukwezi kumwe ukangarukira upfukamye kuko ntabwo kariya gahungu kazagushobora pe.

Guinette na Yvan batangiye kwisanga mu buzima butoroshye ariko nanone bumvaga urukundo ruruta byose nubwo bari bageze aho umwanzi ashaka.

Ese urabona gute urukundo rw’aba bombi utekereza ko ari iki kizabatandukanya?


Ntuzacikwe na My Soulmate Ep 22.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO