My Soulmate Ep 24: Umugabo mbwa aseka imbohe!abari inshuti zanjye batangiye kunshimanira inzara kuko njye n’umugore wanjye twimukiye mu nzu ya make

Ubuzima bwakomeje kugenda nabi kuri Yvan n’umufasha we ndetse nyuma yo guhabwa na nyirabukwe ibihumbi 500 Frw bahisemo kuyakoresha neza kugirango abafashe gusunika iminsi.

Nyuma y’aho Guinette ameze kumenya ko atwite yatangiye kugira ubuzima bugoye bwiganjemo kurwarahurika buri munsi ndetse birumvikana yatangiye no gukenera ibintu bimwe na bimwe bisaba ubushobozi.

Nyuma yo kubona ko hari ibintu bimwe na bimwe bigoranye mu buzima bwabo bahisemo gukoresha amafaranga bahawe na nyirabukwe maze bajya kuyakodeshamo inzu ya make yo kubamo kugirango asagure amafaranga yo kwita ku mugore we mu gihe atarabona akazi keza.

Yvan yatangiye gusekerwa n’inshuti ze kuko yimukiye mu nzu ya make.

Gusa ikintu cyari kibabaje ni uko Yvan yatangiye gusekerwa na bamwe yitaga inshuti ze hamwe n’abo bakoranaga aho bamusekaga ko atangiye kubihirwa n’ubuzima nyamara ibi byose babikoraga birengagije ko yagize ikibazo akabura akazi ke bitewe na Sebukwe utamukunda na mba.

Ibintu byakomeje gukomera kurushaho uko iminsi yisunikaga ndetse n’akazi gakomeza kuba ak’ibura gusa nanone Guinette yakomeje kunamba ku mugabo we amubwira ko nta n’umwe uteze kubatanya ndetse amwizeza ko no ku mwuka we wa nyuma azaba akimukunda.

Mu magambo ye Guinette yagize ati: Ndagukunda cyane mugabo mwiza kandi urukundo rwacu nta n’umwe waruhungabanya kuko nzahora iteka ndi mu ruhande rwawe kandi ahazaza hacu hazwi na rurema.


Yvan yongeye guhindukira abwira umugore we ko nta n’umwe umusumba ndetse amwizeza ko batazahora mu buzima bubi kuko yizeye ko Imana izabaha akazi keza kandi k’umugisha mu gihe cya nyacyo.

Uyu muryango ariko wakomeje kwitabwaho na nyirabukwe wa Yvan aho umunsi ku wundi yababwiraga ko abari inyuma kandi akomeza kubabwira ko akunda ugushyirahamwe bafite ndetse abizeza kyzahindura Sebukwe ndetse akaba Se wa Guinette kugirango umunsi umwe azabagarukire.

Ese urabona aba bombi bazatsinda urukundo rukaganza?

Ntuzacikwe na My Soulmate Ep 25.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO