My Soulmate Ep 25:Nyuma yo kunyerera mu bwogero umugore wanjye inda ishobora kuvamo kandi ikibabaje ndimo kwitwa umuteramwaku

Guinette na Yvan bakomeje guhura n’urusobe rw’ibibazo ndetse nyuma yo kwimuka bagasekerwa ko baba mu nzu ya make kuri ubu hari ibyago bikomeye kuri Guinette nyuma yo kujya koga maze akanyerera ku isabune akikubita hasi Kandi atwite ndetse kuri ubu akaba ari Kwa muganga none umugabo we arimo kwitwa umuteramwaku.


Guinette yagize ibyago bikomeye.

Nyuma yo kugira ibyago bikomeye Guinette akajyanwa Kwa muganga Yvan yatangiye kugira ibibazo byinshi ndetse isi iramusharirira kuko abaganga bamubwiye ko umwana yagize ikibazo gikomeye cyane icyakora bakomeje guhamya ko barakora ibishoboka byose kugirango uyu muryango utabarirwe umwana wabo.

Yvan yatangiye kugirwa iciro ry’imigani cyane cyane Sebukwe niwe umumereye nabi aho akomeje kumukina ku mubyimba akavuga ko n’ubundi umuryango Yvan akomokamo utera umwaku ndetse ibi bisa no gutera icumu mu rubavu uyu muryango kuko wifitiye agahinda n’intimba dore ko bateganyaga kubona umwana nubwo hakiri amahirwe y’uko umwana ashobora guhabwa ubutabazi bw’ibanze bityo akamera neza.

Yvan yahamagaye umuganga biganye.

Nyuma y’ibyavugwaga kuri Yvan byose yarabyirengagije maze ahamagara umuganga w’inshuti ye Kandi ukora mu bitaro bikomeye amusobanurira ko umugore we afite ikibazo gikomeye maze undi nawe amusezeranya ubufasha nk’umuvandimwe we dore ko aba bombi ubwo bari bakiga mu mashuri yisumbuye bararanaga ku buriri bumwe ndetse bagahuza muri byose icyakora bigeze muri Kaminuza umwe yagiye kwiga ubuganga undi ajya kwiga ubwarimu.

Ako kanya mu bitaro Guinette yari arwariyemo yatunguwe no kumva ko hari umuganga w’inzobere mu kwita ku bagore batwite ugiye kuza kumuha ubufasha ndetse ako kanya yahise ahasesekara maze amusobanurira ko yiganye n’umugabo we maze undi nawe yishimira kubona iteka umugabo we ahantu hose aba ahafite umutabazi ndetse ako kanya yatangiye kumubaza uko amerewe maze undi nawe agenda amubwira ahita amwizeza kumuha ubufasha Kandi akamererwa neza.


Se wa Guinette kwa muganga

Muri ako kanya Se wa Guinette yahise ahagera yerekana ko amwitayeho icyakora aza avuga amagambo mabi Kandi adashimishije agira ati:Urabona kariya gahungu gatumye umwana wanjye ahura n’ibibazo bikomeye di!erega nari narabibuze umuryango wabo ni abateramwaku?

Guinette wari urwaye mu ijwi rituje yahise asaba Se ko yasohoka aho bari Kandi akareka kuvuga amahomvu imbere y’umuganga w’inzobere ugiye kumurokorera ubuzima kuko abikesha umubano umugabo we bafitanye.


Yvan ageze kwa muganga kureba Guinette.

Muri ako kanya Yvan yahise agera aho ngaho aca bugufi asoma Guinette ku itama aho yari aryamye maze ahita ahoberana na wa muganga urimo gufasha Guinette ndetse ahita amwizeza ko umugore we biragenda neza gusa Sebukwe wa Yvan yahise atangazwa n’uburyo uwo asuzugura aziranye n’abakomeye ndetse ako kanya Yvan yahise ahindukira abwira Sebukwe ati:Databukwe ntabwo ntera umwaku nk’uko wabivuze ahubwo nkunda umukobwa wawe kurusha abandi bose mu Isi.

Ako kanya umusaza yasohotse yumiwe ndetse afite ibitekerezo byinshi cyane muri make yabonaga urukundo ruruta byose ariko akihagararaho.

Ese uyu Sebukwe wa Yvan azamugarukira abashyigikire mu rukundo rwabo!?Nonese urabona Guinette ari butabarwe inda ye ntivemo?

Ntuzacikwe na My Soulmate Ep 26

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO