My Soulmate Ep 26:Kuba Mabukwe ashyigikiye urukundo rwacu byatumye Databukwe amusenda ku manywa y’ihangu

Umunsi ku wundi urukundo rwa Yvan na Guinette rwakomeje kuzamo ibintu byinshi Kandi binyuranye ndetse ntawangwa na bose kuko mama wa Guinette yashyigikiye urukundo rwabo abibutsa ko amafaranga adatanga ibyishimo gusa ndetse yibukije umukobwa we ko nubwo Se atunze ibya mirenge batigeze babaho ubuzima bunejeje rero yamusabye gukunda umugabo we bakanyurana muri byose.

Nyamara ntabwo ibyo mama wa Guinette yakoze byigeze bishimisha na mba umugabo we ari we Sebukwe wa Yvan ibi byatangiye ubwo Guinette yari Kwa muganga dore ko mama we yahise nawe aza kureba umukobwa we ndetse aza yitwaje ibintu byose nkenerwa umurwayi utwite yakenera.

Mama wa Guinette yatunguwe no kubona umugabo we yahateye amatako

Ubwo yahageraga yatunguwe no kubona umugabo we ahari maze arishima cyane agira ati:yo mbega ibintu byiza ese wageze hano kureba umukobwa wawe mugabo mwiza ni ukuri biranejeje cyane.

Ubwo uyu yavugaga ibi byose yatunguwe no kubona undi atameze neza mu mutwe maze atangira agira ati:Umva wa mugore we ntabwo ndi hano kuko nishimye ahubwo mbabazwa n’iyi ngirwa mukwe ikomoka mu bateramwaku bigeze aho umukobwa wanjye agiye kuzahitanwa n’imyaku yabo.


Guinette yarihanganye arabyuka aza kureba ikijya mbere.

Ibi byatangije intambara hagati y’aba bombi ubwo bari ahantu abashyitsi bakirirwa Kwa muganga ndetse Guinette yarihanganye nyuma yo guhabwa imiti arasohoka asaba ababyeyi be gutuza bakareka gupfa urukundo bakundana Kandi Guinette yaboneyeho kwibutsa se ko uwo yita umuteramwaku ari umugabo akunda mu buzima bwe bwose Kandi akaba yakora buri kimwe ngo babane neza.

Se wa Guinette yakomeje kuvuga nabi umukwe we maze bituma aba bombi batumvikana ndetse byatumye nyirabukwe wa Yvan yiyemeza kubwiza ukuri uyu musaza amubwira ko we akunda aba bana Kandi azakomeza gushyigikira urukundo rwabo mpaka ndetse amuhamiriza ko buri gihe azahora ku ruhande rwabo kuko atifuza ko umukobwa we yazabaho ubuzima buzira ibyishimo kubera ubutunzi.

Guinette yahise aza gahoro gahoro ahoberana na Mama we maze amushimira ubufasha bwose abaha nyuma yo kubana ndetse akaba agikomeje kubashyigikira muri byose iki gihe Se wa Guinette yari yahindutse maze abwira umugome we ati: Urabizi wa mugore we aka kanya ndagusenze nta nteguza Kandi ndakwirukanye ngaho jya kuba iw’umukwe wawe niba nsigaye ndi inganzwa kuri uru rwego nta nisoni urimo gushyigikira ko umukobwa wawe azabaho batagira urwara rwo kwishima.


Yvan yasanze byadogeye.

Yvan muri ako kanya nawe yahise ahagera abaza ibijya mbere ndetse ahita asaba Guinette ko yasubira aho arwariye akabanza kumara imiti ye maze akamubwira ikijya mbere cyatumye Sebukwe na Nyirabukwe barebana ay’ingwe.

Guinette yahise afata mu nda umugabo we maze arambwira ati:Cherie ibintu bibereye aha ngaha ni agahomamunwa nukuri kw’Imana mama ni ingenzi mu buzima bwanjye Kandi Kuva cyera urabizi aturi imyuma ndetse asobanuriye Data ko ashyigikiye urukundo rwacu none ahisemo kumusenda kuko ari ku ruhande rwacu.

Guinette n’umugabo we bakomeje kwibaza impamvu bakomeje kuba ikibazo ku Babyeyi ariko nanone banzuye ko mu rukundo habamo imitwaro myinshi umuntu atabasha kwikorera ndetse banzuye ko bazakora ibishoboka byose bagafashanya n’uyu mubyeyi wirukanwe kuko ari ku ruhande rwabo.


Guinette yasohokanye na Yvan hanze kuko yatangiye koroherwa.

Guinette yasohokanye hanze n’umugabo we ndetse aka kanya yari yatangiye koroherwa ndetse abwira nyina ko yatangiye kumera neza ku buryo umwanya uwo ariwo wose bataha.

Guinette yabwiye mama we ko bari kumwe ndetse amusaba ko Papa we na musenda bitari bugorane kuko yamubwiye ko yavuganye n’umugabo we uburyo bashobora kumufasha kubaho mu gihe Se atarashira umujinya n’urwango gusa uyu mubyeyi yahise abwira umukobwa ko nta kibazo Kandi azakomeza kubafasha kuko yari afite amafaranga umugabo atazi.

Ese urabona Guinette n’umugabo we bashobora kubana n’uyu mubyeyi mu nzu imwe!?Nonese urabona uyu mubyeyi Koko ari bwirukanwe kubera yashyigikiye aba bombi mu rukundo rwabo!?


Ntuzacikwe na My Soulmate Ep 27.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO