My Soulmate Ep 28:Nabaye igitaramo ku musozi bamwe baravuga ko Mabukwe n’umugore wanjye bampaye inzaratsi nkahinduka inganzwa mu rugo

Urukundo n’umutima utagira uko usa nibyo byakomeje kuranga Yvan n’umugore we ndetse aba bombi bafashe umwanzuro umwe maze Yvan yemerera umugore we kuzana Nyina bakabana dore ko yari yamaze gusendwa na Se kandi byose biturutse ku mpamvu z’uko uyu mubyeyi yagaragaje ko ashyigikiye umubano w’aba bombi ndetse nyuma yo kwirukanwa nabo biyemeje kubana nawe kugirango ave mu bwigunge.

Uko bucya n’uko bwira ababanye neza ntihabura impamvu mbi zibavugwaho kandi zigamije guharabika abakundana by’ukuri ndetse ubwo nyirabukwe wa Guinette yari yiyemeje kubana nawe bamwe mu bantu be b’urungano batangiye kumuhamagara ndetse bakamubwira ko ibyo yakoze ari amahano kujya kubana n’umukwe mu nzu imwe gusa uyu mubyeyi yemeraga ko nta kintu na kimwe kimucira urubanza ndetse yanezezwaga no kubona ari mu maboko y’abana bakakundana by’ukuri kandi bafite intumbero ikomeye.

Guinette yatunguwe no kuboba abashyitsi.

Umunsi umwe ubwo Guinette yari mu rugo yatunguwe no kubona agenderewe n’abakobwa b’ibizungerezi ndetse bamubwira ko baje kumusura nyuma y’igihe kinini ariko Guinette yatekerezaga ko hari indi mpamvu ikomeye cyane kandi ibagenza ndetse ako kanya Guinette yagiye mu nzu abwira umugabo we ko bagenderewe n’abashyitsi gusa umubwira ko hari ikintu gikomeye kibagenza kuko yabyiyumvagamo.

Mu magambo ye Guinette yagize ati:Mugabo wanjye tugenderewe n’abashyitsi gusa noanone wibuke ko ari babandi wanze ukampitamo kandi bakunze kuturwanya igihe kitari gito rero mukunzi ndatekereza ko hari amagambo arimo kubagenza kuko ubu bamenye wenda ko mama asigaye abana natwe none ubu bazanywe n’amagambo.

Yvan yabwiye umugore we ko badakwiye gukomeza kugendera ku magambo y’abana babantu kuko badateze kuzarekeraho kuvuga ndetse ibi byatumye amusaba gutuza kandi amwibutsa ko iyo biba amagambo y’abantu batagombaga kubana bityo urukundo rwabo rugakomera.


Yvan yasohokanye n’umugorwe hanze baha karibu abashyitsi.

Yvan yahise asohokana n’umugorwe we hanze maze baha karibu abashyitsi bari barangajwe imbere na Grace maze Yvan atangira abwira abashyitsi ati":Ni karibu bashyitsi beza ndetse murisanga gusa mwari mwaratwanze nonese mwari amahoro?natwe turaho kandi tumeze neza rero hano turi umuryango mugari nonese mwari mubizi ra?

Ibi byose Ynan yabibwiraga abashyitsi ariko agamije kureba imyitwarire bari bugaragaze ndetse ako kanya bagaragaje ko bibatunguye maze Grace aritanguranwa agira ati:Ngo musigaye muri umuryango mugari gute se?nonese hari undi mushyitsi mwaba mufite koko?

Nyamara mu ibanga rikomeye cyane ibi yabivugaga yijijisha kuko aba bakobwa bari boherejwe na Se wa Guinette kugirango amenye koko nimba umugore we abana n’umukwe mu nzu imwe.


Yvan yabajije guinette impamvu atakiriye abashyitsi

Muri ako kanya Yvan yahise abwira guinette ati:Cherie nonese ko atakiriye abashyitsi reba muri firigo niba hari ikintu kirimo tubakire kandi bwira na mabukwe nawe aze asuhuze abashyitsi,bashyitsi rero hano turi umuryango w’abantu batatu ni njyewe hamwe n’umugore wanjye hamwe na mabukwe murabizi bamwe babuze urukundo ariko twebwe twiyemeje kubiba imbuto zarwo.

Ako kanya aba bahise batangira kunywa fanta huti huti maze bahita batangaza ko bifuza gusezera kuko bihuta ndetse ubwo barimo kubitekereza bagiye kubona babona Nyina wa Guinette aje abasanga ndetse arabasuhuza ati:bite bakobwa beza mwari mugendereye umukobwa wanjye se ko mperuka mwari mwaramwanze gusa ni byiza ko mumwibutse ni ukuri ni mugera i Muhira musuhuze umusaza kandi mumubwire muti":Nubwo wamwirukanye ariko ameze neza hamwe n’abana be kandi nta kintu na kimwe kigura urukundo.

Abakobwa b’inkorokoro bahise bikubita barataha.

Ako kanya bahise basezera barataha aba bakobwa binkorokoro ndetse ntabwo Telefoni yabo yongeye kuva ku gutwi kuko batangiye kugenda babwira umuhisi n’umugenzi ko Guinette na Nyina baroze Yvan kuko bahamyaga ko nta muntu muzima wubatse agashaka umugore ushobora gutegekwa n’umugore we kugeza aho babana na Nyirabukwe.

Ako kanya Telefoni yahise isona maze Grace arayitaba kuko yari ahamagawe na Se wa Guinette maze atangira amubaza ati":Niko mwana wa aho byaba bimeze bite sha uwo mugore koko niho arti aratimaje.

Grace yatangiye abwira Se wa Guinette ko ariho ari ndetse yatangiye gushyiramo umunyu ati:Ni ukuri niho ari kandi rwose wagirango yabahaye inzaratsi pe kuko ubona urugo rwabo ariwe uruyoboje inkoni y’icyuma.


Se wa Guinette yatangiye guharabika umugore we kugirango yisobanure mu bandi bagabo

Se wa Guinette yatangiye kugenda hirya no hino arimo yisobanura mu bandi bagabo dore ko hari hashize iminsi abagabo bagenzi be bamucacura bakamubwira ko akwiye kumenya ko yakoze amakosa ubwo yasendaga umugore we amuhoye ko ashyigikiye umubano w’abana babiri bahisemo gukundana bihamye.

Uyu musaza yatangiye kwikura mu kimwaro ndetse abwira abagabo bagenzi be ko yari yaraguguriwe kuko yari afite ibimenyetsi byishi byari gutuma amwirukana ndetse muri ibyo yatangiye kuvugamo inzaratsi kuko nawe yari yumvise igihuha cya Grace nawe acyuririraho kugirango aharabike uwo bashakanye.

Mu magambo ye yagize ati:Nimundeke mundorere mwa bagabo mwe ubu nararigushije ariko ubwo muziko umugore wanjye yashakaga kumpa inzaratsi nkamusenda maze akajya kuzishyira iriya ngirwa mukwe wanjye nonese murumva ntarikijije ishyano koko??

Ako kanya umugabo mugenzi we yahise yumirwa maze amubwira ikintu cyatumye buri muntu wese wari aho agira ubwoba ndetse buri umwe yahise yifata ku munwa.

Ni iki uyu mugabo yabwiwe gikomeye cyatumye buri wese yifata ku gahanga??

Urabona ibi bizarangira gute?ko mbona bikomeje gukomera wowe wumva hakwiye gukorwa iki ngo yvan n’umugore we babone amahoro?


Nyuzacikwe na My Soulmate Ep 28

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.