My Soulmate Ep 3: Umukunzi wanjye yamenetse umutima ubwo yongeye kumpamagara akumva Telephone yanjye yitabwe n’umukobwa w’ikizubazuba

Nyuma y’uko Yvan yaganiraga kuri Telefone n’uwo yishimiye yatunguwe no kubona umwe muri ba bakobwa bisiga ibirungo bw’ubwiza ariwe Grace amugendereye mpaka iwe aho yaperereje akamenya aho atuye,uyu mukobwa witwa Grace bisa n’aho aturuka mu muryango ukomeye kuko no kumubona ubwabyo Yvan yahise atungurwa n’imyambarire ye hamwe na Telephone igendanwa afite.

Yvan wari usanzwe iwe yahaye Grace karibu agira ati:ni karibu nonese aha ninde uhabarangiye n’aho Grace mu mvugo itunganye kandi irimo kuvugana amarangamutima agira ati:Ariko Sha Yvan ubwo nicyo kintu cya mbere koko umbajije aho kungwamo nonese amakuru basi ngwamo Sha!?


Yvan yaratunguwe cyane ubwo yabonaga Grace yatangiye kumwitura hejuru aho aba.

Yvan wari umeze nk’utunguwe yahoberanye na Grace bisa n’ibya nyirarureshwa ubona ko Yvan atiyumvisha impamvu nyamukuru izanye Grace iwe gusa Grace yabwiye Yvan ko yifuza kumubwira ijambo rikomeye ndetse ngo yabuze uko arimubwira bwa Mbere bahura.

Grace yatangiye abwira Yvan ko ababajwe n’uburyo bari kumwe ariko agasa n’uwijima mu maso kandi we aba amwishimiye icyakora Yvan yabajije Grace ati:nonese ko twaganiriye aho ko mutambwiye ikibagenza!?

Mu gihe Grace yiteguraga kubwira Yvan ko amukunda yahise ahamagarwa kuri Telefone n’umukunzi wa Yvan ariwe Guinette ndetse impamvu nyamukuru Guinette yari amuhamagaye yifuzaga kumubaza niba bari bujyane muri Chorale dore ko nubwo Grace yirataga cyane ndetse akita Guinette umuturage ariko aba bombi bari muri Chorale imwe kandi yayoborwaga na Guinette.

Ubwo Guinette yari ahamagaye Grace ngo amubaze niba bashobora kujya kurepeta muri Chorale Grace yahise yihutira kubwira Guinette ati:Sha Guinette wanyihanganiye tukaza kuvugana Sha ko ubu ndimo kuganira na Yvan wamutip Sha ubu ndi iwe!wa wundi twahuraga agiye gutega imodoka Sha wowe ugahita utaha ubu ndi iwe namugendereye

Guinette mu ijwi ryo kwiyumanganya ariko ababaye agira ati: Yego Sha ndamwibutse ngaho reka mbe nkuretse ubwo wenda turaza gusubira nta kibazo.

Nyamara Yvan ntabwo yari yasobanukiwe ko Umuntu wavuganaga na Grace kuri Telephone ari Guinette kuko nawe yabonye Grace agiye kuri Telephone ahita atangira guhamagara Guinette gusa bakambwira ko umurongo uhuze.


Grace yatangiye Gusebya Guinette kuri Yvan amwita umuturage kandi ntabwo aziko ariwe Yvan yise My Wife kuri Telefone ye.

Nyamara Grace amaze kuvugana na Guinette yahise yihutira kubwira Yvan ati:Uzi Sha navuganaga na wa mukobwa w’umuturage umwe wigeze kudusangana burya ayobora Chorale yanjye rero mpise mubwira ko ndi busy ko nagusuye sha.

Ese ntiwibuka ko yatashye twebwe tukiri kumwe avuga ngo iwabo baramuhamagaye gusa nyine uriya mukobwa ni umuturage ngo ntiyasura umuhungu muri Ghetto n’ibindi bigaragaza ubuturage bwe!nonese Sha Yvan basi ejo waretse tugatembera hari ubwo uzajya ku kazi

Yvan gatekerezaga ibigoye naho Grace we akazana ibigori kuko Yvan yari yahangayitse cyane yifuza kumenya icyo azasobanurira Guinette.

Nyamara ubwo Yvan yari yababaye cyane akagana hanze gato yasize Telephone ye igendanwa asiga ifunguye maze Grace atangira kureba mu bantu Yvan yahamagaranye nabo birangira abonye ko Yvan yahamagaye umuntu witwa My Wife inshuro nyinshi utabara maze Grace atangira kwibaza umuntu Yvan yaba yita My Wife bisobanura ngo umugore wanjye!

Grace mu gihe akirimo kwibaza niba Yvan afite umugore Guinette nawe aho yari ari urukundo rwari rwatangiye kumuganza ndetse akibuka amagambo yavuganye kuri Telephone na Yvan akumva yatangiye kumukunda ndetse ubwo yatangiye kumva yamuhamagara basi ngo yongere yumve ijwi rye ariko nanone akabura imbaraga zo guhita amuhamagara.


Guinette byamwanze mu nda ahamagaye yvan atungurwa no kumva Grace yitabye Telefone ye.

Guinette byamwanze mu nda yiyemeza guhamagara Yvan ndetse ako kanya yahise acishamo Numero ya Yvan birangira Grace abonye ko Yvan wa muntu yise My Wife kuri Telephone amuhamagaye Grace yahise afata Telephone ngo ayitabe!

Nyuma yo kwitaba Telefone ya Yvan Guinette wari wihanganiye kumva ko Grace yasuye Yvan iwe noneho yahise ashengurwa no kuba yatangiye gukoresha Telefone y’umukunzi we ndetse atangira kubabara bikomeye yibaza uburyo Grace yasuye Yvan bitunguranye ndetse agahita atangira no gukoresha Telefone ye igendanwa ako kanya Guinette yahise akupa Telefone igitaraganya maze Grace asigara yibaza uburyo Yvan yita umukobwa w’umuturage ngo My Wife.

Ese ko Yvan yagiye hanze gato Grace akitaba Telephone ye akamenya ko umuntu yise My Wife ari Guinette bahora bita umuturage biragenda gute!?

Ese ubona Guinette arabyakira ate ko Grace ariwe witabye Telephone ya Yvan ese Yvan azashobora gusobanurira Guinette ko Grace yatangiye kumwihambiraho!?

Ese ubu Grace wari usanzwe yita Guinette umukobwa w’umuturage aho ntibagiye kuba abanzi kubera Yvan!?

Ntuzacikwe na My Soulmate Ep 4!

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.