My Soulmate Ep 5: Nemeye gusasa inzobe mbwiza ukuri umukunzi wanjye ikintu gikomeye nigeze gukora none yanze no kundeba n’irihumye

Mu nkuru iheruka twasinze Yvan ari kumwe na Guinette iwe kuko yifuzaga kumusobanurira uburyo Grace yamwituye hejuru ndetse agatangira no gukoresha Telefone ye igendanwa kugeza ayikoresheje mu buryo bwo kwihenura kuri Guinette.

Yvan yafashe umwanzuro maze atangira kuganira na Guinette mu buryo bwagutse maze Yvan atangira gutekereza ko agiye kubwiza Guinette ukuri ku bintu byose by’ingenzi byamubayeho mu rukundo bataramenyana ndetse Yvan yahise atangira araterura abwira Guinette ati:Ese uretse nkakubwiza ukuri ku bintu byose byambayeho mu rukundo tutaramenyana wabinyemerera?


Yvan yafashe umwanzuro wo kubwira Guinette ibyamubayeho mu rukundo mbere y’uko bamenyana

Guinette yahise yemerera Yvan ko yamubwira inkuru ijyanye n’ubuzima bwe cyane cyane mu rukundo kugirango barusheho kumenyana Yvan yahise atangira abwira Guinette ati:Ubundi biragoye kubona umukobwa mwiza Kandi witonda nkawe nabayeho mu buzima aho nakundanye n’abakobwa batandukanye ariko nanone bafite imico itandukanye cyane nawe.

Ubwo Yvan yakomeje abwira Guinette ko yakundanye n’abakobwa bagendana cyane n’ibigezweho ndetse amubwira ko abo bakobwa nta kindi bigeze bamufasha uretse gushyira imbere iraha no kurya ubuzima ndetse Yvan yahamirije Guinette ko abo bakobwa yakundanye nabo ariko bikarangira bamukoresheje amakosa akomeye kuko ngo ni kenshi yabasohokanaga kubera bakundaga iraha maze bikarangira banamutuye mu mutego wo gukora amabi.


Yvan yabwiye Guinette ko yakundanye n’abakobwa bakunda iraha gusa byarangiye Guinette ababaye bikomeye.

Yvan yabwiye Guinette ko yakundanye n’abakobwa ku buryo kugirango mukundane ariko mutaryamana ngo cyari icyaha gikomeye kuko ngo nta mukobwa n’umwe bakundanye wari kumusura maze ngo atahe badakoze imibonano mpuzabitsina ndetse Yvan yabwiye Guinette ko yicuza cyane ubwo buzima kuko ngo bwatumye amenya ko yayobye nyuma yo gusanga intego nyamukuru zabo bose byari iraha no gusesagura amafaranga ndetse bikarangira bijanditse mu byaha.

Yvan yabwiye Guinette iyi nkuru yibwira ko biratuma Guinette arushaho kumenya neza ibyo yanyuzemo no gufatanya bakubaka urukundo ruhamye gusa siko byagenze kuko Guinette yahise arya umwanda atangira gushavura bikomeye.

Guinette wari unaniwe kwakira uburyo umukunzi we hari abandi bantu bamuzi mu bundi buryo yahise ababazwa n’uko Yvan amubwiye iyo nkuru maze agira ati:Ese burya nari nziko utandukanye n’abandi bose kumbe ni ibyo byawe ndagusabye ntuzigere na rimwe wibwira ko ibi umbwiye bingiriye akamaro ndetse ubu ntabwo ndi kumenya neza niba ari wowe nakunze uteye utyo.


Guinette ntabwo yiyumvisha uburyo abantu batarakora ubukwe bashobora kuryamana ndetse byatumye azinga umunya arakarira bikomeye ibyo Yvan yakoze mbere.

Guinette kubera yibera mu rugo nta nubwo yiyumvishaga inkuru y’uburyo umuhungu n’umukobwa bagikundana bisanzwe ngo bashobora kuryamana icyakora mu ibanga rikomeye Yvan we yifuzaga umukobwa udakozwa ibijyanye n’imibonano mpuzabitsina kugeza nibura umunsi w’ubukwe kuko yari yarakundanye n’abakobwa benshi ariko Bose bashyira imbere iraha n’ishimisha mubiri.

Guinette wari wariye karungu Yvan yamusobanuriye we ko kuba amubwije ukuri atabibonamo ikibazo ndetse akomeza amubwira ati:aho ku nkundira uwo ntigeze mbawe ariko utazi ukuri wankundira uwo nari we ariko Wenda ukamenya ko nahindutse bikomeye.

Guinette kumubwira ibi byari ukurushwa n’ubusa ndetse yafashe umwanzuro asohoka Kwa Yvan yarakaye bikomeye ndetse yahise yiyemeza gukuraho telephone ye igendanwa kuko yari yarakaye bikomeye.

Ese urabona ibi biraza gucura iki?

Ese byari ngombwa ngo Yvan yimene inda!?

Urabona se aba bombi bizagenda gute muri EP y’ubutaha!?


Ntuzacikwe na My Soulmate Ep 6.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.