My Soulmate Ep 7:Umukobwa nabenze yiyemeje kunshakira umuhanuzi w’ibinyoma maze ampanurira ibintu biteye ubwoba ku mukunzi wanjye ariko birangira mbikubye na zeru

Nyuma yo gufata umwanzuro ukomeye Yvan akirinda gutendeka umukunzi we, ubu noneho byarangiye wa mukobwa Grace yirinze kureba n’irihumye ahisemo gushaka umuntu w’umutubuzi maze yigira umukozi w’Imana kandi ngo waje kumuhanurira icyakora kubera urukundo Yvan akunda Guinette byose yabihinduye ubusa.

Grace nyuma yo kubona ko Yvan yamubenze agahitamo kwikundira Guinette yasize abwiye Guinette ko bitazamugwa amahoro ndetse yahise atangira gukora ibishoboka byose ngo arebe ko yatanya Yvan na Guinette ariko ahisemo gukoresha amanyanga yo kohereza umuntu wigize Umukozi w’Imana.

Grace niwe wacuze umugambi wo gushaka umuntu wigize umukozi w’Imana kugirango ajye kwangisha Guinette Yvan.

Yvan ubwo yari iwe mu rugo yatunguwe no gukomangirwa n’umuntu atazi ndetse w’umubyeyi maze birangira amuhaye karibu gusa undi nawe kubera guteka imitwe yigize umuhanuzi yahise atangira kuririmba cyane indirimbo z’agakiza ndetse atangira no kuvugira mu ndimi agira ati:

Ndakubona ndakubona wa musore we ibyo urimo ntabyo uzi kuko urimo gukina n’umuriro ndabona ko umutima wawe bawuhumye urimo kwishyira mu kaga gakomeye uriya mukobwa ndabona atera umwaku rwose gukomeza kumukunda bizagushyira mu byago bikomeye Haleluya reka nkusengere Imana.


Ubwo Yvan yatuburirwaga n’umukozi w’Imana we nta nakimwe yarimo kwizera muri ako kanya.
Yvan wabwirwaga amagambo n’umukozi w’Imana yumvaga nta nakimwe yizeye ndetse aho gucengerwa n’ibyo umuhanuzi yavugaga Yvan we yahise atangira gukumbura Guinette ku buryo budasanzwe aho we nta nakimwe uyu muhanuzi yavuze ngo agihe agaciro.

Yvan yafashe umwanzuro igitaraganya maze ahamagara Guinette ngo baganirire ahantu nyaburanga bajyaga bakunda guhurira, icyakora ibi yabikoze nyuma yo gusobanurira umuhanuzi w’ibinyoma ko Imana ariyo yashyizeho urukundo rwe n’umukunzi we ndetse amwibutsa ko Imana yabahaye umugisha biciye mu kugira urukundo ruzira uburyarya.

Yvan nibwo yahise asaba Guinette ko bahura maze bahurira ahantu bakundaga guhurira ndetse ntabwo Yvan yigeze ahisha Guinette ibyamubayeho ndetse yatangiye kumubarira inkuru y’umuhanuzi w’ibinyoma maze Guinette ahita abwira Yvan ko umuntu ubiri inyuma ahise amenya ko ari Grace utabifurizaza ibyishimo mu rukundo rwabo.


Yvan yahagurukije Guinette barahoberana nyuma y’uko bombi bari bamaze kwiyemeza kurushaho gukundana.

Yvan yahise ahagurutsa Guinette aho bari bicaye amusaba kumuhobera cyane maze aba bombi barahoberanye bikomeye ako kanya akavura kaba karaguye ndetse biyemeza kunyagirwa nako bahoberanye ku buryo buri umwe atashakaga no kurekura undi.

Kugeza ubu Guinette akunda Yvan cyane ndetse na Yvan akunda Guinette cyane ndetse biyemeje ko nta n’umwe uteze kubatanya Kandi buri wese agomba kuba ijisho ngo ryamugenzi we mu rwego rwo kumurinda, aba bombi byarangiye bahanye akabizu ku itama maze Guinette ataha arimo kurira amarira y’ibyishimo kubera uburyo Yvan yamweretse ko amwizera cyane.

Ese urabona hari umuntu uzashobora gutanya aba bombi!?

Uratekereza ko Grace azakora iki ngo abatandukanye!?


Ntuzacikwe na My Soulmate Ep 8.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.