My Soulmate Ep 8:Jya uzirikana ko ndi umugore wawe! naremwe agatima n’umukunzi wanjye bituma ntaha agaciro uwanzaniye amazimwe avuga amagambo nkay’abagombozi

Mu nkuru iheruka Guinette twasize atandukanye n’umukunzi we Yvan ndetse bari bamaze kunyagirwa n’imvura ndetse Guinette yatashye arimo kurira amarira y’ibyishimo kuko ntiyumvaga ukuntu yahiriwe agakundwa n’umuhungu w’umunyabwenge Kandi Uzi gushishoza nka Yvan.

Guinette byatumye afata umwanzuro wo kwandikira ibaruwa Yvan ariko akoresheje ikaramu ye aho yifuje kumugenera amagambo y’urukundo Kandi yerekana amarangamutima ye kuko Guinette yizereraga mu magambo akomeza urukundo cyane.


Guinette yageneye ibaruwa umukunzi we Yvan icyakora yamurangiye ahantu ashobora kuyisanga baziranyeho.

Guinette yahaye Yvan ibaruwa ariko abwira Yvan ko yaza kujya kureba iyo baruwa mu ishami ry’igiti aho bari bicaye ubwo Yvan yabwiraga Guinette uburyo bamuharabitse biciye mu magambo y’umuhanuzi w’ibinyoma.

Guinette yandikiye ibaruwa ndende Yvan agira ati:Ku mukunzi wanjye Yvan mfata nk’umucunguzi w’ubuzima bwanjye nonese uraho mukunzi wanjye.

Mukunzi wanjye nkubeshye nakubeshya ko ntakwiyumvamo Kandi nkubeshye nakubeshya ko utari umugabo wanjye ni ukuri kose nziko aho mba ndi hose numva ko ndi umugore wawe Kandi nawe aho uzaba uri hose ujye uzirikana ko uri umugabo wanjye.


Yvan kuri ubu arimo gusoma ibaruwa y’urukundo yandikiwe na Guinette

Twebwe ntabwo tukibarizwa mu rubyiruko kuko twamaze kubaka ingo mu mitima yacu Yvan mukunzi wanjye nukuri kw’Imana ndagukunda cyane Kandi umbabarire nsigaye nkufuhira mba numva nta wundi mukobwa wanagukoraho..

Yvan yakomeje gusoma ibaruwa ndende yandikiwe na Guinette maze ibyishimo bikomeza kumwuzura umutima yumvaga yatanga byose ngo arinde buri kimwe cyose gikikije Guinette ndetse Yvan yahise yongerera urukundo rwinshi Guinette.

Icyakora ubwo Yvan yari amaze gusoma ibaruwa yandikiwe n’umukunzi we yatunguwe no kubona Grace amugezeho aza afite amagambo aruta ay’abagombozi aho yasobanuriye Yvan ko natitonda urukundo rukamuhuma amaso ngo azicuza ubuzima bwe bwose.

Grace yakomeje abwira Yvan ko umuryango wa Guinette ubamo Sekibi(Shitani) icyakora ibi byose Yvan yabifataga nko guta umutwe maze ahita asaba Grace gutaha kuko Yvan yamusobanuriye ko nta kibazo afite Kandi adakwiye guhangayikishwa nawe.


Kugeza ubu Yvan na Guinette barakundana bihamye ndetse biragoye cyane kubatandukanya.

Yvan na Guinette uwabeshya yabeshya ko badakundana bya nyabyo icyakora bafite umusozi munini wo kurira kubera ko bafitiwe ishyari rikomeye cyane dore ko Guinette inshuti ze zitiyumvisha uburyo yakunzwe na Yvan umusore mwiza Kandi nyamara Guinette akaba ari umukobwa udafite n’amashuri yisumbuye.

Bisa naho gutandukanya Yvan na Guinette bidashoka icyakora abanzi babo bakomeje gushakisha uburyo bwo kubatanya kuko Grace yasezeranyije Guinette ko azashyirwa amwambuye Yvan ese birashoboka bizagenda gute!!?

Ubona Grace ari iki yafata nk’intege nke za Yvan maze akakimubwira bigatuma yanga Guinette!?

Ntuzacikwe na My Soulmate Ep 9.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.