Ngirinshuti Mwemere wicuza ibyo yakoze arasaba ubufasha kubera ubukene

Benshi mu Rwanda iyo uvuze Ngirinshuti Mwemere muhita mu mwibuka mu makipe akomeye muri shampiyona y’umupira w’amaguru cyane mu ikipe nka APR Fc, Atraco Fc, Kiyovu Sport, Police Fc, no mu ikipe y’igihugu Amavubi. Uyu mukinnyi kuri ubu arasaba abo bakinanye n’inshuti ze ko bamufasha kuko yugarijwe n’ubukene.

Ibi uyu mukinnyi yabitangarije umunyamakuru Uwimana Clarisse mukiganiro bagiranye avuga ku buzima bushaririye abayemo muri iyi minsi nyuma y’imvune yo mu Ivi aheruka guhura nayo.

Ubwo uyu munyamkauru yamusuraga ahantu atuye mu murenge wa Kimisagara yasanze uyu musore abayeho mu buzima buteye agahinda aho aba mu nzu ntoya cyane yubakishije icyondo.

Mwemere yatangaje ko nyuma yo kugira icyo kibazo ubuzima bwe bwahindutse cyane kabone ko nubwo yigeze gushinga iduka ry’imyenda naryo ryaje guhomba kubera icyorezo cya Covid-19, kugeza ubu akaba atunzwe n’abaturage baturanye nawe bakaba babikorera urukundo gusa naho ubundi ubuzima bwo yavuze ko ntabwo abayeho nabi cyane.

Abajijwe kukuba yaba yarakoresheje nabi amahirwe yagiye agira harimo no kuba yarakoreye amafaranga menshi mu makipe atandukanye kandi akomeye mu gihugu yasubije ko mu buzima bwe nawe abyicuza.

mURI APR FC ngo niho yahembwe amafaranga menshi kuko yahabwaga ibihumbi 250frw.

Ati "Ndabyicuza icyo gihe kuko amafaranga nabonye nayapfushaga ubusa nk’irarira mu tubari nywa inzoga cyangwa nkayajyana mu bakobwa."

Mwemere yakomeje agira ati “Ubu aho bigeze ndisabira ubufasha umuntu wese ufite aho ahuriye n’umupira w’amaguru mu Rwanda cyane inzego nka FERWAFA na minisiteri ya siporo ko zamfasha zikampa kuba nabona akazi mu bijyane na ruhago kuko nyifitemo ubuhanga butari bwinshi ariko bakibuka umusanzu nigeze gutaga mu ikipe y’igihugu ndetse no muri ruhago muri rusange."

Yasoje asaba buri wese ufite umutima wa kimuntu kumuha ubufasha kuko rwose bikomeje kumubera bibi aho abana na bana be babiri kuko nyina yabamutanye amaze kubona ubuzima buri guhinduka.


Mwemere yakiniye amakipe akomeye mu gihugu arimo na Police Fc

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO