NATO: Suwede na Finland ku ruhembe rwo kwinjira mu muryango aho biteje ikibazo Uburusiya

Ku wa kane dusoje nibwo perezida wa Leta zunze ubumwe za Amerika Joe Biden yakiriye Minisitiri w’intebe wa Suwede, Magdalena Andersson na perezida wa Finland Sauli Niinistöon baganira ku busabe bw’ibihugu byombi mu kwinjira muri NATO aho biteje ikibazo gikomeye Uburusiya.

Mu nama yabereye i Washington perezida Biden yagize ati:" Kuba twagira abanyamuryango babiri bashya ba NATO mu majyaruguru bizatuma twongera umutekano w’ibihugu dufatanyije ndetse ibi nta kibazo biteje igihugu icyo ari cyo cyose "

Suwede na Finland ni ibihugu bibiri ndetse byari bifite gahunda yo kutagira aho bibogamira ku muryango wa NATO kugirango bitazateza amakimbirane n’ubutegetsi bwa Moscow.

Kuba Amerika ishyigikiye ubusabe bwo kwinjira muri NATO kw’ibi bihugu abakurikiranira bya hafi politike mpuzamahanga bavuga ko bizateza amakimbirane kuko bizaba birenze ku masezerano byari byaremeye yo kutabogama.

Ibihugu bya Suwede na Finland bishobora kwiyongera mu banyamuryango ba NATO

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO