NETFLIX iri kugurisha filime y’ababayeho bashakishwa cyane harimo n’urugendo rwa Kabuga

Filimi mbaranankuru yitwa “World’s Most Wanted” ni imwe mu zigezweho ku rubuga rwa Netflix, igaruka cyane ku bantu babayeho bashakishwa cyane ku Isi harimo n’urugendo rwo guta muri yombi Kabuga Félicien.

Iyi filimi igizwe n’ibice bitanu. Ivuga ku banyabyaha batanu bashakishijwe cyane ku Isi. Buri kimwe kitarengeje iminota 48 kigaruka ku muntu umwe ukwe.

Yatangiye kwerekanwa ku rubuga rwa Netflix ku wa Gatatu w’iki cyumweru, aho mu minota 48 igize igice cyayo cya kabiri, hagarukwa ku rugendo rwo guta muri yombi Kabuga Félicien nk’umwe mu bantu bashakishwaga cyane bitewe no kugira uruhare runini muri Jenoside yakorewe abatutsi mu Rwanda 1994.

Muri abo batanu usibye Kabuga harimo Samantha Lewthwaite, Umunya-Ireland ushinjwa ibikorwa by’iterabwoba; Matteo Messina Denaro, mafia wo mu Butaliyani watangiye gukoresha imbunda afite imyaka 14; Mayo Zambada, ikirangirire mu gucuruza ibiyobyabwenge n’Umunya-Ukraine Semion Mogilevich ushinjwa nawe ibikorwa by’ubwicanyi.

Ibiyikubiyemo byose bishingiye ku buhamya bwatanzwe n’abantu bagize uruhare mu iperereza ku guta muri yombi aba banyabyaha mpuzamahanga.

Kumara imyaka myinshi ahigwa Kabuga yaje gufatwa taliki ya 16 Gicurasi 2020, afatirwa mu Bufaransa ubwo hakorwaga umukwabu mu nyubako z’I Paris aho yari atuye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO