Nadia uzwi muri Film ‘Umuturanyi’ yatunguwe no kuba Miss Ukunzwe cyane muri Miss Global Beauty Rwanda

Umutoniwase Nadia umaze kumenyaka muri filime y’uruhererekane ’Umuturanyi’ ya Clapton Kibonge, akaba ari no mu bakobwa bahatanira ikamba rya Miss Global Beauty Rwanda 2021 yatunguwe no kwisanga ari we wegukanye ikamba rya ukunzwe cyane (Popularity).

Abategura irushanwa rya Miss Global Beauty Rwanda 2021 batangaje abakobwa batatu begukanye amakamba ya mbere n’ubwo iri rushanwa ritararangira.

Muri ayo harimo irya Miss Photogenic ryegukanwe n’uwitwa Uwicyeza Landrine Gisagara, irya Miss Miss Congeniality ryatawe na Iwacu Gretta na Miss Popularity ryegukanwe na Umutoniwase Nadia.

Umutoniwase Nadia usanzwe azwi muri filime yitwa Umuturanyi aganira na Genesisbizz yavuze ko nawe byamutunguye cyane.

Ati “Njye rwose ntababeshye ntabwo nari mbyiteguye na gato kuko umunsi wose nari niriwe mbwira inshuti zanjye ko nta cyizere gusa byose nabaga nabishyize mu maboko y’Imana."

Yakomeje agira ati “Ubwo nari nkiri gutekereza kubyo nari ndi kubona nahise nakira ubutumwa bumbwira ngo Congratulation, bitari ibanga ubwo nabwirwaga gutyo narwaye mu nda, ngira n’ubwoba bwinshi mvuga ko bibeshye atari njye, kugeza ubu ntabwo ndabyakira neza nzabyiyumvisha neza nibamara kunyambika iryo kamba naho ubundi ndashimira buri wese wagize uruhare agafata umwanya we akantora bigatuma ngera aho ngeze ubu."

Biteganyijwe ko aba bakobwa batatu bazambikwa amakamba yabo ku itariki ya 24 Kamena 2021. Umuhango kandi uzitabirwa n’abandi bakobwa bose bageze mu cyiciro cya nyuma cy’iri rushanwa.

Nadia avuga ko yatunguwe no kuba Nyampinga ukunzwe

Avuga ko afite n’icyizere cyo kwegukana iri rushanwa ry’ubwiza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO