Nakeshimana uba muri Amerika yinjiye mu muziki

Umunyarwanda Nakeshimana Audace utuye muri Leta Zunze Ubumwe za Amerika yinjiye mu ruhando rw’abahanzi Nyarwanda asohora indirimbo ye ya mbere yise ‘Nsubiza’.

Uyu musore mushya mu muziki yavuye mu Rwanda ajya gukomereza amasomo ye muri Leta Zunze Ubumwe z’Amerika mu bijyanye n’ikoranabuhanga hamwe n’ubukungu. Ubu atuye muri Leta ya Massachusets .

Aganira na Genesis yavuze ko yatangiye umuziki yiga mu mashuri yisumbuye ariko akajya abura ubushobozi bwo kuba yasohora indirimbo.

Mu mpera z’umwaka ushize wa 2019 nibwo yasohoye indirimbo ye ya mbere avuga ko impamvu yabyo ari uko yari abonye umwanya uhagije wo kwita ku muziki.

Ati “Natangiye umuziki kera gusa nahisemo gusohora indirimbo ya mbere kuko aribwo ntangiye kubona umwanya uhagije wo kwita ku muziki wanjye.”

Avuga ko akeneye Abanyarwanda ngo bamenye ibihangano bye nk’umuhanzi ukizamuka.
Indirimbo ye ya mbere yitwa ‘Nsubiza’ Ati “Ni iy’urukundo ivuga ku gushidikanya ikerekana akamaro ko kugira ndetse no kwibuka ibihe byiza tugirana n’abo dukundana kugirango bizaturinde bitume tuguma hamwe no mu bihe bizaza.”

Akomeza avuga ko muri uyu mwaka afite imishinga myinshi harimo n’iyo ageze hagati yo gukorana Album na Producer Jay P.

Azagaruka mu Rwanda aje kuhakorera ibikorwa bitandukanye birimo umuziki no kwihangira imirimo, ndetse n’intego yo gukomeza gusohora indirimbo z’urukundo mu njyana ya Rnb na Afro Beat.


Audace, indirimbo ye ya mbere yayise ’Nsubiza’

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO