Nararirimbye nkina n’umupira ndumva atari ikibazo kugaragara no muri Film – Haruna Niyonzima

Kapiteni w’ikipe y’igihugu amavubi Haruna Niyoznima yatangaje ko kugaragara muri filimi arimo gukina atari ikibazo ngo cyane ko yanaririmbye akina umupira, akavuga ko gukina filimi bidakomeye cyane kuba yayikina.

Uyu mukinnyi uri kumwe n’ikipe y’igihugu Amavubi muri Kongo wagaragaye muri filimi y’abanyatanzaniya yiswe The Ring, yavuze ko uko yakinnye umupira w’amaguru ari nako yakora n’ibindi bintu bitandukanye. Ati: “Iyo ndi mu mupira w’amaguru nkina umupira kuko nibwo buzima bwanjye kubera ko abantu nibyo banziho ku isi yose.”

Abazwa niba agiye kwinjira muri Sinema akabifatanya n’umupira w’amaguru, uyu mugabo yavuze ko byose abikora mu rwego rwo kwishimisha. Ati: “Njyewe mfite ibintu byose nkora, nzagenda buri kimwe ngishyira hanze mu mwanya wacyo, nubundi nararirimbye kandi ndi umukinnyi w’umupira ntabwo byaba ikibazo, nukuvuga ngo biterwa n’igihe umuntu arimo, iyo mbonye mfite umwanya nkora ibintu numva binshimisha.”

Haruna Niyonzima si ubwa mbere agaragaye bitari mu mikino gusa, kuko yigeze no gukorana indirimbo n’undi muhanzi w’umuraperi uzwi nka Jey Polly, kuri ubu yagaragaye muri Filimi bise The Ring itegerejwe gusohoka mu mpera z’uyu mwaka. Gusa mu gace gato kasohotse ko muri iyi filimi ntikerekana neza ibyo uyumugabo azagaragaramo.

Genesisbizz

Related Articles

TANGA IGITEKEREZO