Naretse udukundi ndahunga – Kenny Sol mu ndirimbo nshya nyuma yo gutandukana na Melodie

Umuhanzi Kenny Sol watandukanye na Label y’ibitangaza ya Bruce Melodie yasohoye indirimbo ya mbere ahavuye aho aba avuga ko yatandukanye n’agakundi arahunga kugirango yubake ikofi ye.

Kenny Sol ashyize hanze iyi ndirimbo haciyemo iminsi mike atandukanye n’inzu y’igitangaza Music yamufashaga hamwe na Juno Kizigenza.

Iyi ndirimbo ye nshya yayise ‘Haso’ aho ashaka kumvikanisha imvune yanyuzemo mu buzima bw’umuziki.

Hari aho aririmba agira ati “Ndibuka imvune zose nagize, Inyungu ziba muri Struggle, ngo ndebe ko nakira inkoni z’iki gihe, hamwe njya gusenga nsaba Imana ngo imfashe indemere uyu munsi….

Akomeza avuga ko ari gushaka Hit (kumenyekana) mu bantu bamutega ibikwasi ngo abyicaremo kandi ko ari no kubaka ibigwi kugirango ikofi ye ibyimbe.

Mu gitero cya kabiri hari aho uyu muhanzi avuga ko yahunze udukundi kugirango ibyo yifuza mu nzozi ze azabigereho.

Iyi ndirimbo mu buryo bw’amajwi yatunganyijwe na Element kuva muri Country Records, amashusho akorwa na Fayzo.

Reba indirimbo nshya ya Kenny Sol

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO