Naason agiye gusohora Albumu y’indirimbo ze za kera

Umuhanzi Nshimiyimana Naason usigaye akoresha izina rya Naason Solist mu muziki agiye kumurikira abantu Album y’indirimbo ze zo hambere yise ‘Nyigisha’ ikoze mu buryo bwa Acoustic.

Mu kiganiro na GenesisBizz Twahira Theo umujyanama wa Naason yatubwiye ko nyuma y’igihe kinini uyu muhanzi adashyira alubumu hanze nyuma yaho mu mwaka wa 2013 aribwo yaherukaga, kuri ubu bakaba bifuje kuyikora mu buryo buteye imbere buzwi nka Acoustic nayo ikazaba yitwa Nyigisha irimo za ndirimbo za kera zose yaririmbye.

Théo yakomeje atubwira ko kugira ngo Naason asubiremo izo ndirimbo ze za kera byabaye ubusabe bw’abafana be bari bamaze igihe bamusaba ko yabasubirira izo ndirimbo kubera ko bazikundaga.

Yatubwiye ko kugeza ubu alubumu yose yarangiye ikaba iriho ndirimbo za Naason zakunzwe nka "Nyigisha, Undwaza Umutima, Abisi, Amatsiko, Umunyenga, Inkuru ibabaje, Nduzuye, Uri Mwiza na Emera Tujyane."

Ku ruhande rwa Naason Solist yatangarije GenesisBizz ko igihe ari iki ngo abafana be bongere baryoherwe n’umuziki yabakoreye kandi ko yizeye ko uburyo bayikozemo bazanyurwa. Yabijeje ko muri iyi minsi n’ubwo ari mu bihe bigoranye azabakorera izindi ndirimbo nshya kandi nziza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO