Umugande Navio agiye kumurikira Album ku mbuga nkoranyambaga

Umuhanzi ukomoka mu gihugu cya Uganda Daniel Lubwama Kigozi uzwi mu muziki nka ‘Navio’ agiye kumurikira alubumu ye bwa mbere ku mbuga nkoranyambaga.

Ntibisanzwe ko ubundi umuhanzi ashobora gufata umuzingo w’indirimbo ze (album) zose akazimurikira abamukurikira gusa ku mbuga nkoranyambaga, aho abatari bwinjize amafaranga aba yarazishoyeho.

Ibi benshi bari kubirebera mu mfuruka nyinshi z’ubuzima isi ya none ibayemo bitewe n’icyorezo cya COVID-19, cyane ko abantu bavuga ko ibintu bishobora kuzasubira mu buryo mu gihe kitari icya vuba aha, bityo bigatuma benshi mu bahanzi bahitamo gukorera ibitaramo ku mbuga nkoranyambaga aho kubisubika.

Izi ni zimwe mu mpamvu zituma bamwe mu bahanzi barimo na Navio watangaje bwa mbere ko agiye kumurikira iyi alubumu ye ku mbuga nkorangamabaga gusa.

Navio abinyujije ku rubuga nkoranyambaga rwa Instagram yatangaje ko iyi alubumu izaba yitwa ‘Strength in Numbers’ tugenekereje bishatse kuvuga ko imbaraga zigaragarira mu mibare.
Ntibyari bisanzwe ko abahanzi bamurikira alubumu ku mbuga nkoranyambaga

Navio yavuze ko iyi alubumu izamurikirwa ku mbuga nkoranyambaga zose abantu bamusanga ku itariki 25 Mata uyu mwaka, ari nako yifatanya n’abenshi mu batuye isi bari mu ngo zabo kubamara irungu.

Ahazaza h’umuziki w’isi mu bihe biri imbere, abenshi bashobora kuzawimurira ku mbuga nkoranyambaga bitewe n’amwe mu masomo bari gukura muri ibi bihe abantu benshi basigaye barajijukiwe gukoresha neza ikoranabuhanga ndetse bakaba banaribyaza umusaruro.

Ibitaramo nk’ibi biri kugenda biba hirya no hino ku isi hifashishijwe imbuga nkoranyambaga, nkaho igiheruka ari icyabaye mu mpera z’icyumweru gishize cyahurije hamwe ibyamamare byo mu isi cyiswe ‘One World Together At Home’
Uretse iki gitaramo cya Navio kandi no mu Rwanda Tom Close aherutse gutangaza ko nawe ateganya gukorera igitaramo gisanzwe mu rwego rwo kwifatanya nabari mu rugo kutagira irungu.

Tom Close yagize ati: “Mu rwego rwo gukomeza kuguma mu rugo nta rungu, Twabateguriye igitaramo kizamara isaha 1 live kuri youtube channel yitwa mk1tv channel ndetse no kuri Instagram…”

Uyu muhanzi (atebya…) yongeyeyeho ko kwinjira muri iki gitaramo cye bizaba ari ubuntu ku munsi umwe neza n’uwo Navio ateganya kumurikiraho alubumu ku mbuga nkoranyambaga.

Thomas Buyombo uzwi mu muziki wo mu Rwanda nka Tom Close yasabye kuri izo mbuga nkoranyambaga kuzaba bafite murandasi igenda neza kugira ngo batazacikanwa n’icyo gitaramo.

Tom Close nawe azifatanya n’abari mu ngo zabo kuticwa n’irungu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO