Eddy Kenzo yatangaje ko arambiwe gukora umuziki

Umuhanzi wo mu gihugu cya Uganda Edrisah Kenzo Musuuza uzwi kw’izina ry’ubuhanzi nka Eddy Kenzo yiyongereye ku rutonde rw’abahanzi bo muri icyo gihugu bamaze igihe bavuga ko bagiye kureka umuziki bakigira mu bindi bikorwa.

Umuyobozi wa Big Talent mu kiganiro yagiriye kuri Televiziyo ikomeye muri icyo gihugu yagaragaje ko yifuza kuva mu bucuruzi bwa muzika ahubwo akigira mu bikorwa bye by’ubuhinzi mu karere ka Masaka ari naho avuka.

Uyu mugabo umaze imyaka itari mike mu muziki aho yegukanye ibihembo byinshi birimo n’igihembo cya BET.

Yavuze ko ashaka kwibagirwa ibintu byose akajya kubaho mu buzima bw’umutuzo n’ubwo azajya acishamo agakora rimwe na rimwe ariko agashyira ingufu nyinshi mu burucuzi bwe.

Eddy Kenzo aje nyuma y’uko umuhanzi Jose Chameleon muri kamena yari yatangarije ikinyamakuru Galaxy Fm ko nageza ku myaka 50 azareka umuziki. Siwe gusa kuko Umuhanzikazi Winnie Nwagi nawe mu byumweru bike bishize yatangaje ko agiye kureka gukora umuziki kubera kwibasirwa n’abantu bamunegura ku mbuga nkoranyambaga.


Uyu muhanzi Eddy Kenzo ibi abivuze nyuma yo gushyira hanze indirimbo ikunzwe cyane yise Week End

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO