Ndanezerewe mu mutima – Miss Akiwacu wahuye na Kanye West mu ParisFashionWeek

Miss Rwanda 2014 Akiwacu Colombe ni umwe mu bagaragaye bamurika imideli mu birori bya Paris Fashion Week byitabiriwe kandi n’icyamamare Kanye West na we werekanye imyambaro.

Mu mpera z’icyumweru dusoje nibwo mu Bufaransa habereye ibirori byo kumurika imideli bya Paris Fashion Week byitabirwa n’ibyamamare binyuranye ku Isi.

Akiwacu Colombe wabaye nyampinga w’u Rwanda muri 2014 ni umwe mu bitabiriye ibi birori amurika imideri mu myenda yakozwe na Rebecca Fashion Designer na Mirat Paris Fashion Designer.

Uyu mukobwa w’Umunyarwandakazi utuye mu Bufaransa abinyujije kuri Twitter yavuze ko yishimiye kumurika imideli afite imisatsi ye y’umwimerere (Natural).

Ati “Umutimwa wanjye uranezerewe, ku nshuro ya mbere natewe ishema no gutambukana umusatsi wanjye w’umwimerere muri Paris Fashion Week.”

Muri ibyo birori kandi hagaragaye n’umuhanzi w’umuraperi Kanye West wamuritse imideli ye mishya yise Yeezy Season 8.

Muri ibyo birori kandi umwana wa Kanye West witwa ‘North West’ yakoze agashya aza aririmba ubwo bamwe barimo bamurika imideli ya Se.

Akiwacu Colombe yaherukaga kwitabira ibi birori byo kumurika imideli bya Paris Fashion Week mu mwaka ushize wa 2019.


Akiwacu Colombe ngo yanejejwe no kumurika imideli muri ibi birori afite umusatsi w’umwimerere


Kanye West yamuritse imyambaro, umwana we araririmba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO