Teta Diana ngo ari gutungurwa n’umubare wabagura Album ye

Umuhanzikazi Teta Diana ukunzwe cyane mu njyana gakondo hano mu Rwanda ndetse naho asanzwe akorera muziki ye muri Suede arashimira Abanyarwanda uko bakomeje kumugaragariza urukundo bagura album ye yise iwanyu.

Uyu muhanzikazi umaze igihe ari mu Rwanda mu biruhuko yatangiye gucuruza Album ye yise ‘Iwanyu’.

Abinyujije ku mbuga nkoranyambaga ze yashimiye Abanyarwanda uburyo bakomeje kugenda bamuteza imbere bayigura. Ubu iri gucururizwa mu nzu ya Library Ikirezi.
Ati “Nishimiye ubufatanye na library ikirezi mu kugeza CD yanjye ku bakunzi b’umuziki wanjye.

Umaze kuyigura, fata ifoto uyinyoherereze muri inbox nk’urwibutso. Mbonereho gushimira mwese abamaze kuyigura.”

Aganira na GENESISBIZZ yavuze ko yatunguwe no kubona abantu benshi bari kugura iyo Album ye.

Ati “Bari kuyigura mu buryo ntari mbyiteguyemo gusa ndabashimira mbikuye ku mutima kuko ni inkunga ikomeye bari kuntera.”

Yakomeje avuga ko kugeza ubu Cd yari yarazanye mu Rwanda zose zamaze kugurwa, mu gihe akiri hano ategereje izindi zizajya zigurishirizwa muri iriya nzu bagiranye amasezerano y’imikoranire aho umuntu wese uyifuza azajya abasha kuyibona ku mafaranga ibihumbi 20 by’Amanyarwanda.

Tubibutse ko alubumu Iwanyu ya Teta Diana igizwe n’indirimbo 12 zikozwe mu buryo bwa Gakondo y’umwimerere yose akaba yarayikoreye muri Suwede afashijwe n’itsinda ry’abahanga mu gukoresha ibikoresho byiganjemo ibyo muri Afurika.

zimwe mu ndirimbo ziriho zakunzwe ni nka: "Iwanyu", "Juru ryanjye", "See me", "Uwanjye", "Burning", "Birangwa", "Ndaje", "Hello", "Turn around", "Call me", "None n’ejo" na "Sindagira unsange.”

Teta Diana iyo atari mu Rwanda akunze kuba ari muri Suede, Ububiligi gake no muri Amerika

Indirimbo ’Umugwegwe’ aheruka gusohora

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO