Ndi muri Quarantine nk’abandi..Iby’umuziki bizakomeza nyuma-BEN

The Ben ni umuhanzi w’Umunyarwanda ukorera ibikorwa bye by’umuziki muri Amerika. Avuga ko kimwe na buri munyarwanda wese, nawe ari mu minsi 14 yatanzwe na leta yo gukomeza kwirinda ikwirakwizwa ry’icyorezo cya Coronavirus.

Mu munsi ishize havuzwe byinshi kuri uyu muhanzi. Birimo kuba atazasubira muri Amerika ahubwo yaje gutura mu Rwanda akaba ari naho yakomereza ibikorwa bye by’umuziki.

Mu byo The Ben yabwiye Genesis, yavuze ko mu Rwanda ari mu rugo. Yishimira kuhaza buri uko ashoboye ndetse ashobora no kuba yahatura. Ariko ko atariyo gahunda yamuzanye.

Ati”Ndi muri quarantine nka buri munyarwanda wese, ndi i wanjye ndatuje kuko iki cyorezo kucyirinda ni uko uguma mu rugo. Ibikorwa by’umuziki bizakomeza nyuma”.

Abajijwe ko bishoboka yuko yaba yaraje aje gutura mu Rwanda, yagize ati “Mu Rwanda ni mu rugo. Ni ahantu ngera nkumva ndatuje muri njye. Ariko ndacyafite byinshi ngomba kubanza nkatunganya kugirango mfate umwanzuro wo kuba nagaruka kuhatura”.

The Ben amaze amezi hafi ane [4] mu Rwanda, naho akaba amaze atandatu [6] muri Afurika muri rusange kuko yavuye muri Amerika abanza guca muri Afurika y’epfo na Kenya.

Ni umwe mu bahanzi bahagaze neza mu muziki. Cyane ko we na Meddy aribo bahanzi bakurikirwa n’umubare munini w’abantu ku mbuga nkoranyambaga zabo ndetse n’uburyo indirimbo zabo zirebwa kuri Youtube.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO