Ndimbati ashobora gufungwa imyaka ibiri mu gihe yahamwa n’icyaha cyo gufata ku ngufu akurikiranyweho

Ndimbati wamenyekanye cyane mu ruganda rwa sinema Nyarwanda ashobora gufungwa imyaka ibiri mu gihe yaramuka ahamwe ibyaha akurikiranyweho byo gukoresha imibonano mpuzabitsina ku gahato umwana uri munsi y’ubukure.

Uyu mugabo ubusanzwe witwa Jean Bosco Uwihoreye arashinjwa ibyaha byo gufata ku ngufu umwana wari utarageza igihe cy’ubukure akaza kubyara, Ndetse uyu umushinja utifuje gutangaza amazina ye akavuga ko yabanje guhabwa ibisindisha ndetse ko igihe yasambanyagwa yari ataruzuza imyaka y’ubukure.

Mu gitabo cy’amategeko ahana y’U Rwanda mu ngingo ya 202 ivuga ku bihano ku cyaha cy‟ihohoterwa rishingiye ku gitsina rikoresheje imiti, ibiyobyabwenge, amashusho, ibimenyetso, imvugo cyangwa inyandiko, igira iti:"

"Umuntu wese ukoresha imiti, ibiyobyabwenge, amashusho, ibimenyetso, imvugo cyangwa inyandiko, agamije gukora ihohoterwa rishingiye ku gitsina, ahanishwa
igifungo kuva ku mezi atandatu (6) kugeza ku myaka ibiri (2) n‟ihazabu y‟amafaranga y‟u Rwanda kuva ku bihumbi magana atanu (500.000) kugeza kuri miliyoni ebyiri (2.000.000) cyangwa kimwe gusa muri ibyo bihano."

Naho ku cyaha cyo gusambanya umwana utageza imyaka y’ubukure, mu gitabo cy’amategeko ahana y’U Rwanda Ingingo ya 191 ku gihano cy‟icyaha cyo
gusambanya umwana igira iti:

"Umuntu wese usambanyije umwana, ahanishwa igifungo cya burundu cy‟umwihariko."

Uyu mugabo aheruka gushyira amafoto ku rubuga rwe rwa Instagram aho akurikirwa n’abantu basaga 173,000 mu minsi ine ishize, Ndetse byagaragaye ko benshi mu bakunzi be bamunenze nyuma yo gushinjwa ibyaha byo gufata ku ngufu.

Benshi bamwandikiye ubutumwa bwinshi bwerekana ko batishimiye ibyaha akurikiranyweho ko bidakwiye gukorwa n’umuntu nkawe.

Uyu mugabo aracyakurikiranyweho ibi byaha ndetse ni umwere igihe urukiko rutaramuhamya ibyo akurikiranyweho.

Uvuga ko yasambanyijwe ku gahato na Ndimbati ataruzuza imyaka y’ubukure hamwe n’impanga avuga ko babyaranye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO