Nel Ngabo yatangaje I taliki azamurikiraho Album izatuma bamenya uwo ariwe

  • by
  • 1/11/2021 saa 10:54

Taliki ya 21 Ukuboza 2021, Umuhanzi Nel Ngabo ubarizwa muri Kina Music azamurika Album ye ya kabiri yise RNB 360 ije isanga iyitwa Ingabo yaherukaga gushyira hanze umwaka ushize.

Iyi Album ya kabiri ya Nel Ngabo yatangiye kuyikoraho muri uyu mwaka aho amaze gusohora zimwe mu ndirimbo nka ‘Solo’ , ‘Imyaka itatu Remix’ ndetse na ‘Sawa.’

Yayise RNB 360, Ishimwe Clement umuyobozi we muri Kina Music yabwiye Genesis TV ko ibi bifitanye isano na Nel Ngabo.

Ati “RNB ni impine y’amazina ye ‘Rwangabo Nelson Byusa’ naho 360 ni degrees, bivuzengo kuri iyi album uzayumva azamenya Nel uwo ariwe mu mpande zose.”

Akomeza avuga ko taliki ya 21 Ukuboza 2021 Album izaba iri ku mbuga zose zigurishirizwaho indirimbo ku isi.

Indirimbo zizaba ziyigize ngo zizatangazwa mu minsi iri imbere gusa ibijyanye n’ibitaramo byo avuga ko azabikora byinshi nyuma yo kwamamaza iyo Album.

Inkuru byerekeranye: https://genesisbizz.com/Nel-Ngabo-yatuye-Se-Album-ye-ya-mbere-yise-Ingabo


RNB ni impine y’amazina ye


Nyuma yo kwamamaza iyi Album azagenda akora ibitaramo ahantu hatandukanye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO